အလေ့အကျင့်ဆိုတာ

သာမန် လူတစ်ယောက် အရက်သောက်မိတဲ့အခါ ရီဝေတာ၊ မူးတာ ဖြစ်မယ်။ အရက်ရဲ့အ စွမ်းပြမယ်။ အချိန်တစ်ခု ရောက်တဲ့အခါမှာ အမူးပြေသွားတတ် ကြတယ်။ အရက်သောက်တဲ့ အခါ အရက်ရဲ့ အစွမ်းကို လူတိုင်းခံနိုင်ရည် မတူနိုင်ပေမယ့်  သက်ရောက်မှုတော့ တူလေ့ ရှိတယ်။ အလွယ် ပြောရရင် အရက်မူးတယ်ပေါ့။

အရက်စွဲသွားပြီ ဆိုတဲ့ အနေ အထားပေါ့။ တကယ်တော့ အရက်တင်မဟုတ်ပါဘူး အခြားမူးယစ်ဆေးဝါးတွေလည်း တကယ်စွဲသွားတဲ့ အခါမှာ ဖြတ်လို့ မရတာက အဲဒီက အရသာတွေ ပေးတဲ့ ခံ စားမှုကို နှစ်သက်တာတွေ သာမက ပုံမှန်ဖြစ်ဖို့ နေနိုင်ဖို့ အတွက်ကို လိုလာတယ်။ မရရင် ယင်းထလာကြတယ်။  မရမက ရအောင် ရှာသောက်ကြဖို့ ဖြစ်တဲ့နည်းနဲ့ ကြိုးစားလာကြတယ်။ ဒါကြောင့် မူးယစ်ဆေးကို ဆေးရုံမှာ ဖြတ်ပေးရတာ၊ အရက်ကို ဆရာဝန်နဲ့ စနစ်တကျကုပြီး ဖြတ်ပေးရတာတွေ ဖြစ်လာရတယ်။

အလားတူပဲ အဂတိလိုက် စားမှု၊ လာဘ်ပေးလာဘ်ယူမှုစတာမျိုးတွေဆိုတာကလည်း အစ မလုပ်ထားတဲ့၊ စည်းကမ်းရှိတဲ့၊ ပညာရေး ကောင်းတဲ့ တိုင်းပြည်  (ဥပမာ ဥရောပကအချို့နေရာ) တွေမှာဆိုရင်၊ ဒီလို မဟုတ်တာ လုပ်ဖို့ဆို တာအတော်အားထုတ်ရတယ်။ ဥပဒေဘောင်ထဲ နေရတာက ရေလိုက်ငါးလိုက် လွယ်တယ်။ အဂတိလိုက်စားမှု ရှင်းတဲ့ နေရာမှာ အဂတိ လိုက်စားဖို့ ဆိုတာဟာ ကားသိပ်ရှုပ်ပြီး အမြန်သွားနေတဲ့ လမ်းမကြီးကို မျဉ်းကြားမပါဘဲ ဖြတ်ကူးရသလို ဘယ်သူမှ အလွယ်မကူးရဲဘူး။

ဒီလိုပဲ အဂတိလိုက်စားနေကြတဲ့ နိုင်ငံတွေ အသိုင်းအဝိုင်းတွေမှာလည်း ဒီလို လာဘ်ပေးကြတာက သိပ်ကြာသွားတဲ့ အခါ ခုနကပြောသလို အရက်စွဲ သောက်သလို ဖြစ်သွားပြီး လုပ်ငန်းတွေဟာ ငွေပေးမှလုပ်ပေးတာ၊ အပေါ်က ဝိတ်နဲ့ ထိန်း  ချုပ် ခြိမ်း ခြောက်မှ လုပ်ကြတာ လွယ်လွယ် လုပ်ပေးလိုက်ရရင် ပေါသွားမှာ စိုးကြရာက ရပ်လို့ မရဘူးဆိုသလိုဖြစ်လာတယ်။ ဒီတော့ လုပ်ငန်းတွေ အရာရာဟာ ပေးမှလုပ်ကြသလိုတွေ ဖြစ်ကုန် ကြတယ်။

ဒီတော့ မပေးတဲ့အခါ စားပွဲတွေ ကူးရမှာတွေ မကူးတော့ဘူး ။

ဖြတ်စရာရှိတာတွေ လုပ်စရာရှိ တာတွေ လုပ်ကြရမှာတွေ အလကားလုပ်မပေးတော့ဘူး။ ရေလောင်းမှ လာပြီး တစ်ခုခု ပေးမှလုပ်ပေးတာတွေ ဖြစ်လာတယ်။ ဒါဟာလည်း ခုနက အရက်ရမှ ခန္ဓာကိုယ်က လိုတာတွေ ထုတ်နိုင်ဖို့လိုသလို လာဘ်ပေးမှ ရေလောင်း မှ၊ ဝိတ်နဲ့၊ ဖိမှ၊ အဂတိလိုက် စားကြမှ အလုပ်တွေ လည်ပတ်နေ ကြတာ ဖြစ်ကုန်ကြတာတွေ ဖြစ်နေ တယ်။

သို့သော် စနစ်က ဒီလိုလည် အောင်လုပ်ထားတော့ ဥပဒေကို ခက်အောင်ကျစ်ထား၊ ဆိုရှယ်လစ်ခေတ်က ပုဂ္ဂလိက ပိုင်ဆိုင်မှုကို မရှိစေချင်တဲ့ လုပ်ထုံးလုပ်နည်းတွေနဲ့ စိတ်ဓာတ်တွေကို အစိုးရယန္တရားမှာ အမြစ်တွယ်ထားစေတော့ အလုပ်ဖြစ်ဖို့ ဆိုတာက ထိပ်ကစ ပေါင်းဖို့ ပေးဖို့၊ နေရာတကာ ငွေနဲ့ရှင်းဖို့၊ အာဏာဝယ်ရှင်းဖို့တွေ ဖြစ်လာကြတယ်။

တကယ်လည်း နိုင်ငံတကာဆန်ဆန် သိပ်တိကျပြီး စနစ်နဲ့ လုပ်သူတွေ အပြင်ကလာစမ်းတဲ့ ပြည် တွင်းပြည်ပကသူတွေ နောက်ဆုံး ရှုံးပြီး ပြန်လှည့်ပြေးကြရသူတွေ များလာတယ်။ တိုင်းပြည် စီးပွား ရေးကလည်း လုပ်သူထက် ခေါင်းပုံဖြတ်လည့်ပတ် ရနေသူအတွက် ဖြစ်နေရာက ငွေကြေးတွေ ဖောင်းပွပြီး သယံဇာတ ကုန်ပြီး သဘာဝ ပတ်ဝန်းကျင် ပျက်ပြီး ချွတ်ခြုံကျ လာတယ်။ ထိုးဆင်းလာတယ်။

ဒီအချိန်မှာ အရက်ဆက် သောက်ရင် သေမယ် အရက်ဖြတ်ဖို့ လိုတယ်ဆိုတာ သိတဲ့ ပုံစံမျိုးဖြစ်တဲ့ ၂၀၁၅ မှာ ပြောင်းလဲဖို့ အချိန်တန်ပြီဆိုပြီး တစ်ပြည်လုံးက ပြောင်းလဲချင်လာကြတယ်။ ဒီ ပုံစံနဲ့ ဆက်သွားလို့ မရတော့ဘူး ဆိုတာ အားလုံး သဘောပေါက် လက်ခံလာတယ်ဆိုတာ မဲအပြတ်နိုင်တာကနေ သက်သေပြနိုင်ခဲ့တယ်။ တိုင်းပြည် ဂုဏ်သိက္ခာရှိလာဖို့ဝမ်းစာ ဝလာကြဖို့ အားလုံးဆင်းရဲ တွင်းက လွတ်ဖို့ ဆိုတဲ့ အသိတွေနဲ့ညီညွတ်ခဲ့ကြတယ်။

ဒီလိုအချိန်မှာ စီးပွားရေးလုပ်ငန်းတွေမှာ ထိပ်ရောက်နေတဲ့ လုပ်ငန်းရှင်ကြီးတွေရဲ့ ဓလေ့  အဂတိ လိုက်စားသူတွေနဲ့ ပေါင်းစားတာ တွေကို မကောင်းဘူးဆိုပြီး အလုပ်မခံကြတဲ့အခါ၊ စောစောကပြောတဲ့ အရက်သောက်နေတာကို ဇွတ်ရပ်လိုက်တဲ့ အခါ၊ လုပ်ငန်းတွေက မလည်တော့ဘူး။ အစိုးရယန္တရားဘက်ကလည်း အရင်လိုမရတော့ မလုပ်ရဲသလို စည်းစနစ်တွေကိုယ် တိုင်ကလည်း နှေးတာလေးတာ ဖြစ်စေတဲ့ ဒီဇိုင်းတွေ ဖြစ်နေပုံရတယ်။

ဒီတော့ စီးပွားရေးကမသွား တော့ဘူး၊ ဆုံးဖြတ်ချက်တွေက ထိပ်နေရာအချို့တွေမှာ တစ်နေပြီး နှေးကွေးလေးလံသွားကြ တာ တွေ ဖြစ်လာကုန်တော့တယ်။ ဒါက ဘာတဲ့ တူသလဲဆိုတော့ အရက်စွဲနေသူတစ်ယောက် ရုတ်တရက် အရက်ရပ်လိုက်တော့ ယင်းထသလို ခန္ဒာကိုယ်ကလိုတဲ့ ဓာတ် တွေ အရက်ကထုတ်နေရာက အရက်မလာတော့ မထုတ်နိုင်တော့သလို ဖြစ်ပြီး နိုင်ငံတော်ရဲ့ ယန္တရားကြီးက လာဘ်ပေးလာဘ်ယူမှု၊ အဂတိလိုက်စားမှုကို ပြန် လည် တောင့်တသလိုဖြစ်လာ တယ်။

ရုတ်တရက် ယန္တရားထဲကအ ရင်ရနေတဲ့ ဝင်ငွေတွေလျော့ သွားတာရော။ ပေးစရာရှိတာ ပေးပြီးအလုပ်တွင်တွင်နဲ့ ပေါင်းစားစီးပွားရေးသမားတွေရဲ့ လုပ်ငန်းတွေက မပေးရဘူး။ စနစ်အပြောင်းမှာ အရက်ထပ်မရလို့ ယင်းထသလို စီးပွားတွေကျလာတယ်။ ကုန်ဈေးနှုန်းတွေ တက်လာတယ် အလုပ်အကိုင်တွေ ရှားပါးလာတယ်။ ငွေကြေးစီးဆင်းမှုလျော့ကျသွားတယ်။

နိုင်ငံတကာက စောင့်နေသူတွေ လည်း မလည်ပတ်တဲ့ ယန္တရားမှာ အလုပ်လုပ်မရတော့ဘူးဆိုပြီး ပြန်သူပြန်၊ ရပ်သူရပ်ဖြစ်ပြီးလုပ်ငန်းတွေ လျော့ကုန်ကြရာက လည်ပတ်မှု နှေးကွေးလေးလံသွားတယ်။ အရင်က ကိုယ့်ဇောနဲ့ ကိုယ် ရနေတာတွေရဲ့ တွန်းကန်မှုတဲ့ ကြိုးစားတဲ့ သူတွေလည်း မလုပ်မရှုပ် မပြုတ်ပြန်နေကြတော့ လုပ်ငန်းတွေ မလည်တော့ဘူး စနစ်ကြီး ကိုယ်တိုင်ကနှေးပြီး အချို့နေရာတွေ ရပ်နေသလိုကို ဖြစ်သွားကုန်တယ်။ ဒါဟာ အရက် မရလို့ယင်း ထနေတာလို့ ကျွန်တော်မြင်နေမိတယ်။

Behaviour change  ဆိုတာ လွယ်တာမဟုတ်တော့ ပတ်ဝန်းကျင်ကို ပြောင်းဖို့ Chain Management နဲ့ Organization Design ပြန်ဆွဲနိုင်ဖို့ ပြောင်းဖို့ လွယ်တာမဟုတ်တော့ အရက်ပြန် သောက်သလို အချိန်မရွေးလည်း ပြန်လည် သွားနိုင်တယ်ဆိုတာလည်း သတိပြုဖို့ အလေးထားစဉ်းစားနိုင်ဖို့လိုတယ်။ နောက်ပညာရှင်တွေ၊ ငွေတွေ၊ ခေါင်းဆောင်မှုတွေလည်း လိုအပ်တယ်။

မလွယ်ဘူးဆိုပေမယ့် ကိုယ်တွေနိုင်ငံမှာ ဒေါ်အောင်ဆန်းစုကြည်လို ကမ္ဘာကလက်ခံတဲ့ တိုင်းပြည်ကို ပြောနိုင်ဆိုနိုင်လွှမ်းမိုးနိုင် တဲ့ ခေါင်းဆောင်ရှိတုန်းမှ မလုပ် နိုင်ရင် နောက် အလှည့်ဆိုတာ ဖြစ်ဖို့ ခဲယဉ်းတယ်။ အချို့သူ ငယ်ချင်းတွေ ဆေး   လိပ်ဖြတ်ရတာ လွယ်ပါတယ် ခဏခဏဖြစ်နေတာပဲဆိုသလို ဖြတ်လိုက်ပြန် သောက်လိုက် လိုမျိုးလည်း တစ်ပတ်ပြန်မလည် စေချင်ဘူး။ ထိထိရောက်ရောက် ပြောင်းလဲစေချင်တယ်။

အခက်အခဲတွေ၊ စိန်ခေါ်မှုတွေကိုလည်း တကယ် အတိုင်းအတာကို နားလည်သိရှိ လက်ခံ နိုင်ဖို့လိုတယ်။ အရက်ဆာလိုက်သောက်လိုက်ဘဝလို လွယ်ကူချောမွေ့တာ မဟုတ်ဘူး ဆိုတာလည်း နားလည် သဘောပေါက်ဖို့ လိုသလို ယင်းထတာကို အတိုင်းအတာ တစ်ခုထိ ခံနိုင်ရည် ရှိကြဖို့လည်း အများစု အတွက်လိုတယ်။ အရေးကြီးတာက ပြန်မသောက် ဖြစ်မှ အောင်မြင်မယ် ဆိုတာ ဖြစ်လို အရင်က ပေးကျွေးကြီးပွားတဲ့ တိုင်းပြည်ရဲ့ ကြွယ်ဝမှု အများစုရ ထားတဲ့ ခရိုနီတွေ ကိုယ်တိုင်က လူသစ်စိတ်သစ်နဲ့  ပါဝင် ပူးပေါင်းနိုင်ကြဖို့ လိုမယ်။

တစ်ဖက်မှာလည်း တရားဥပဒေက အားကောင်းပြီး အရေးယူနိုင်ဖို့၊ တိကျပြတ်သားဖို့၊ စနစ်ကျဖို့ ၊အလွဲသုံးစားမလုပ်ဖို့ စတာတွေ လိုမယ်။ကျွန်တော်တို့ရဲ့ အနာ ဂတ်အတွက် နောင်သားစဉ်မြေး ဆက် အတွက် တိုင်းပြည် အရက် ကြောင့် ရေတိမ်အနစ် ခံမလား အရက်ကျေးကျွန် အဖြစ်ခံမလား၊ ကျန်းမာတဲ့ တက်ကြွလန်းဆန်း ဖျတ်လတ်တဲ့ ဘဝကို သွားမလား ဆိုတာကို ဆုံးဖြတ်ပြီး အဂတိ လိုက်စားမှုတွေနဲ့ သူတို့ တွဲပြီး အသက်ဝင်နေကြတဲ့ နိုင်ငံတော်နဲ့ တိုင်းပြည်တွင်းက ဥပဒေ နည်းဥပ ဒေ လုပ်ထုံးလုပ်နည်း ဓလေ့ဆိုးတွေ အကျင်ဆိုးတွေကို ရှက်တတ် ကြောက်တတ်ပြီး တွန်းလှန်နိုင်တဲ့ နိုင်ငံတော်သစ်ကြီးအတွက် မိတ် ဆွေတို့ ပါဝင်ကူညီပေးကြဖို့ တောင်းဆိုချင်ပါတယ်။ အားလုံး အနာဂတ်ကောင်းကို တစ်ပတ်မလည်ဘဲ ရှေ့ကို  ရောက်နိုင်ကြပါ စေ။