မြန်မာစာသည် တို့စာ၊ မြန်မာကားသည် တို့ကား

ဘာလိုလိုနဲ့ နိုင်ငံခြားဇာတ်ကားတွေ၊ နိုင်ငံခြားသီချင်းတွေကို ပိတ်သိမ်းခဲ့တာ ဆယ်စုနှစ်တစ်ခုစာလောက်တောင်ရှိတော့မှာပဲ။ 

ကောင်းတယ် … ကျုပ်ကတော့ ထောက်ခံတယ် … လူသတ်မှု၊ မုဒိမ်းမှုတွေ ကျူးလွန်ကြတာ ဒီအင်္ဂလိပ်ကားတွေကြောင့်။

အိမ်ထောင်ရေးတွေ ဖောက်ပြန်ကုန်တာ ဒီကိုရီးယားကားတွေကြောင့်။

အခုလို လုပ်လိုက်တာ သိပ်ကောင်းတယ်၊ အခုဆို တစ်နိုင်ငံလုံး မြန်မာကားပဲကြည့်ရတော့တယ်။ အခွေဆိုင်တွေမှာလည်း နိုင်ငံခြားကားတွေ မရှိတော့ဘူး။  

ရုပ်သံလိုင်းတွေကလည်း မလွှင့်တော့ဘူး။ ရုပ်ရှင်ရုံတွေမှာတောင် မတင်ရတော့ဘူး။

ဒါတောင် နိုင်ငံခြားကားကိုဖြတ်မရတဲ့လူတွေက ရှိသေးတယ်။ အဲ့သည်တော့ ဘယ်လိုလုပ်လဲဆိုတော့ အိမ်တံခါးတွေ အလုံပိတ်ပြီးခိုးကြည့်ကြတယ်။

ရပ်ကွက်က သတင်းပို့လို့တက်ဖမ်းရင် တရားမဝင်ရန်းနင်းမန်းအခွေတွေနဲ့ ကွိခနဲမိပြီး အိမ်လုံးကျွတ်ထောင်တွေတန်းတွေ ကျကုန်ကြကော။

တချို့လူငယ်တွေလည်း ဖုန်းထဲမှာ နိုင်ငံခြားကားတွေ ခိုးထည့်ပြီး တိုက်ကြိုတိုက်ကြားမှာ အုပ်စုဖွဲ့ပြီးကြည့်ကြတာ။ နိုင်ငံခြားကားတွေကို အောက်လမ်းကဝယ်ဖို့ မိဘတွေဆီကပိုက်ဆံတောင်း … မရရင် သောင်းကျန်း … တချို့
ဆို ခြေလွန်လက်လွန်တွေဖြစ်ပြီးထောင်ကျ။

နောက်တော့ ဥပဒေအသစ်တစ်ရပ် ထပ်ထွက်လာတယ်။ နိုင်ငံခြားကားစွဲနေတဲ့ သူမှန်သမျှကို ပစ်မိန့်ပေးလိုက်တယ်။ တစ်နှစ်ထဲမှာတင် လူပေါင်းသန်းချီသေ တာ … လမ်းကြိုလမ်းကြားမှာ blue ray အခွေကြီးပိုက်ပြီး သေနတ်ဒဏ်ရာနဲ့ သေနေတဲ့ လူတွေ၊ ရဲစခန်းအရှေ့ရောက်မှ အင်္ဂလိပ်သီချင်း ring tone ထည့်ထားတဲ့ ဖုန်းထမြည်လို့ သေပွဲဝင်ခဲ့ရတဲ့လူတွေ … မိုက်ပါပေ့။

တချို့ နိုင်ငံခြားကားစွဲနေတဲ့လူတွေလည်း ကိုယ်တိုင်လာအဖမ်းခံကြတာပေါ့။ ဆေးရုံတွေမှာ နိုင်ငံခြားကားလာဖြတ်တဲ့ လူတွေလည်း ဒုနဲ့ဒေး တချို့ဆို အခုနိုင်ငံခြားကားပြတ်ပြီး မြန်မာကားတွေကြည့်တဲ့ လူကောင်းပြန်ဖြစ်နေကြ
ပြီ။ တချို့ကတော့ နိုင်ငံခြားကား မကြည့်ရမနေနိုင်တာကြောင့် ခြေတုန်လက်တုန်တွေဖြစ်၊ ကယောင်ကတမ်းတွေပြော၊ ဆေးရုံကပြတဲ့ မြန်မာကားကြည့်နေရင်းတန်းလန်း မျက်လုံးကြီးပြူး ပါးစပ်ကြီးဟပြီး အသက်ဆုံးရှုံးခဲ့ရတဲ့ လူတွေလည်း ရှိလေရဲ့။

ကျုပ်လား … မြန်မာလိုဝတ္ထုရေးတယ် ဇာတ်ညွှန်းရေးတယ်၊ မြန်မာကားကို ကျုပ်ကိုယ်တိုင်ဒါရိုက်တာလုပ်ပြီး ရိုက်တယ်။ ဘာနိုင်ငံခြားကားမှ မကြည့်ဘူး၊ 

ကိုယ်ပိုင်အတွေးနဲ့ ရေးချင်တာရေးတယ်၊ ရိုက်ချင်သလို ရိုက်တယ်။ ကြည့်ချင်တဲ့လူ ကြည့်မှာပဲလေ။ 

ကြွားရအုံးမယ် … ကျုပ်က အပေါင်းအသင်းလည်း တယ်ဆံ့သကိုးဗျ။ ကွန်ဂျူရင်တို့ စောတို့ရိုက်တဲ့ဒါရိုက်တာ သိတယ်ဟုတ်။ ဖက်စ်အန်ဖျူးရီးယက်စ်ဆိုလားဘာလား၊ အလကားနေကားမောင်းပြနေတဲ့ကားလေ (ကိုယ်တွေဆီ
က ဘီအမ်ကားတွေလောက်တောင် မမြန်ဘဲနဲ့များ ရုပ်ရှင်ရိုက်ပြနေသေးတယ်) အယ် … အဲဒီကားတစ်ကားလည်း ရိုက်ခဲ့သေးလေရဲ့။ ဘယ်သူရှိမလဲ…မ လေးတရုတ် ဒါရိုက်တာဂျိမ်းစ်ဝမ်လေ၊ ဒီကောင်ကြီးက နိုင်ငံခြားကားတွေရိုက်
ရတော့ ဘဝင်လေဟပ်ပြီး ကျုပ်ကို မဆက်သွယ်တော့တာကြာပေါ့။

အခုကျတော့လဲ အိမ်ကိုရောက်ချလာတာ ဗြုန်းစားကြီး။

"ဟေ့ကောင် ငဇေ … မင်းတို့နိုင်ငံက ဘာအချိုးချိုးတာလဲ"

ခရီးရောက်မဆိုက် ကျုပ်ကိုရန်တွေ့ပါလေရော။

"ဘာကိုတုံး ငဝမ်ရ"

"နိုင်ငံခြားကားတွေ မကြည့်ရဘူးဆို"

"အင်းလေ … မင်းတို့ကားတွေက ကောင်းကျိုးထက် ဆိုးကျိုးက ပိုများနေတာကိုး"

"ဘယ်လို … ဘယ်လို"

"မင်းရိုက်တဲ့ ဖက်စ်အန်ဖျူးရီးယပ်စ် ကားလေ"

"အင်းလေ အဲ့ဒါဘာဖြစ်လဲ"

"အတုခိုးမှားလို့ ငါတို့နေပြည်တော် အမြန်လမ်းမှာ သေတဲ့လူမနည်းဘူး"

"အယ်"

"နောက် ဟိုသရဲကားမှာလဲ ဆွဲကြိုးချသေတဲ့အခန်းက ရိုက်ပြရသေးတယ်"

"အောင်မာ … မင်းတို့ မြန်မာကားမှာကော မပါလို့လားကွ"

"ပါတယ်လေ … ဒါပေမဲ့ မပီပြင်ဘူး၊ မင်းတို့ကပီပြင်တယ်။ အဲ့ဒါကြောင့် ပိတ်တယ် ကဲ"

"ဟင်"

ဂျိမ်းစ်ဝမ် ရှူးရှူးရှားရှားဖြစ်သွားတယ်။

"အေး မင်းတို့မြန်မာကားတွေကိုလဲ ငါတို့ဆီမှာ တရားစီရင်တဲ့ နေရာမှာပဲ သုံးတာကွ ရှင်းလား"

"ဆိုစမ်းပါအုံး"

"သေမိန့်ကျတဲ့လူကို ကြိုးမပေးတော့ဘူး၊ လက်ထိပ်ခြေထိပ်ခတ်ပြီး မြန်မာကားထိုင်ကြည့်ခိုင်းတယ်၊ မျက်စိမှိတ်တာနဲ့ နားရင်းတစ်ချက်အုပ်တယ်"

"ဟယ် အဲ့သည်တော့ …"

"ကားတစ်ဝက်မှာတင်ပဲ ကိုယ့်ကိုယ်ကို လည်ပင်းညှစ်ပြီး သတ်သေကုန်ကြတယ်လေ"

"ဟင်"

ဒါတော့ ဒီတရုတ် တဆိတ်လွန်သွားပြီ၊ ဧည့်သည်မို့လို့သည်းခံနေတာကို အကောင်းမှတ်နေတယ်။

"ဒီမှာ ငဝမ် … မြန်မာကားကို မကြည့်ဖူးဘဲနဲ့ မြန်မာကားမကောင်းကြောင်း ဝေဖန်တဲ့လူကို ငါအမုန်းဆုံးပဲ …"

"ဒါဆို မင်းရဲ့ကောင်းလှပါချည်ရဲ့ဆိုတဲ့ ဇာတ်ကားလေးတစ်ကားလောက် ငါ့ကိုပြလေ"
အဟက် … ပွဲကတော့လှပြီ ၊ ကျုပ်

မခိုးမခန့် ပြုံးလိုက်တယ်။

"အေး မြန်မာကားဆိုတာ ဘာဆိုတာကို မင်းသိစေရမယ် ငဝမ် … မင်းသိစေရမယ် "

ကျုပ်အိမ်ခန်းထဲဝင်ပြီး အခွေတစ်ခွေ ထုတ်လာခဲ့တယ်။

"ရော့ ဒီအခွေကို မင်းလက်နဲ့မင်း စက်ထဲထိုးလိုက် ငဝမ်၊ အဲဒါ ငါကိုယ်တိုင်ရေး ငါကိုယ်တိုင်ရိုက်ထားတဲ့ ငါ့ကား"

ငဝမ် အခွေကိုလှမ်းယူပြီး cover ပေါ်ကနာမည်ကို အသံထွက်ဖတ်လိုက်တယ်။

"ဟင် … Love/Like/Drift Apart/Married ဆိုပါ့လား"

"အဟင်း … ကားနာမည်ကို မင်းကြွေသွားပြီမလားကွ ဟေ။ ဒီခေတ်မှာ ဘယ်မြန်မာကားမှ မြန်မာနာမည်မပေးတော့ဘူး အကုန်ခေတ်မီကုန်ကြပြီ ဟင်း ဟင်း"

ဂျိမ်းစ်ဝမ် ဘာမှပြန်မပြောနိုင်ရှာဘူး၊ တုန်ချိတုန်ချိနဲ့ အောက်စက်ထဲအခွေထိုးထည့်လိုက်တယ်။

စလာလာချင်းမှာ ကွင်းပြင်ကျယ်ကြီးထဲမှာ မင်းသားနဲ့မင်းသမီး တစ်ဖက်စီကနေလျှောက်လာတယ်။ တီးလုံးက လည်း ကောင်းဘွိုင်ကားတွေက တီးလုံးမျိုး။

မင်းသားကလဲ ဘာမှမရှိတဲ့ကွင်းပြင်ကြီးကို ခေါင်းကိုချာလပတ်ရမ်းပြီး လိုက်ကြည့်တယ်။ မင်းသမီးကလည်း ဘာမှမရေးထားတဲ့ စာအုပ်အလွတ်ကြီးကို အသည်းအသန်ဖတ်နေတယ်။ ဒါပေမယ့် သူတို့နှစ်ယောက် တစ်ယောက်
ကိုတစ်ယောက် လုံးဝမကြည့်ဘူး။ မြင်တယ်နော် … ဒါပေမဲ့ မကြည့်ဘူး။

"ဝုန်း"

"အံမလေး"
အပြင်က ငဝမ်ပါ ဖင်တကြွကြွဖြစ်သွားတယ်။

"ဟာ အလွတ်ကြီးကို ဝင်တိုက်ပဟ"
"အေး အဲ့ဒါ မင်းသားနဲ့မင်းသမီး အမှတ်မထင်စတွေ့တဲ့အခန်း။ ကိုရီးယားကားတွေလို တေ့လွဲတာမဟုတ်ဘူး။

ပေါ်တင်တိုက်တာ … အဲ့ဒါမြန်မာကွ ဟက်"

မင်းသမီးရဲ့ စာရွက်အလွတ်တွေကို မင်းသားက ကူကောက်ပေးတယ်၊ နောက်ဆုံးအရွက်မှာ လက်ချင်းထိမိသွားတယ်။
"အို"

မင်းသမီးရှက်သွေးဖြာတယ်။ အပြင်ကငဝမ်ပါ မရိုးမရွဖြစ်သွားတယ်။ မင်းသားနဲ့ မင်းသမီးအကြည်စိုက်တယ်။ နောက်ခံသီချင်းက L လွန်းဝါရဲ့ အချစ်မျက်ဝန်း။

"ငဝမ်ကြည့်နှင့်ကွာ ငါရေချိုးလိုက်အုံးမယ်"

ကိုယ်ရိုက်ထားတာ ကိုယ်သိတယ်လေ .. သီချင်းဆုံးတဲ့အထိ မင်းသားမျက်လုံးနဲ့ မင်းသမီးမျက်လုံးကိုတစ်လှည့်စီရိုက်ပြခဲ့တဲ့ဥစ္စာ … ဟိ ဟိ။

ကျုပ်ရေချိုးခန်းထဲကထွက်လာတော့ သီချင်းဆုံးတာနဲ့ ကွက်တိ။

တီးလုံးသံ တိခနဲရပ်သွားတယ်။ မင်းသားက မပွင့်တပွင့်လေး ပါးစပ်ဟလာပြီး။

"ဖရူး … ဖရူး … ဖရူး …"
"ဟဲ့ … သောက်ပလုတ်တုပ် ဘာသံကြီးတုံး "

"ကွင်းထဲမှာဆိုတော့ လေတိုးသံဝင်တာပါ ငဝမ်ရာ။ သရဲကားရိုက်နေပြီး ကြောက်ပြနေတယ်"

"မင်း … မင်း … မင်းသားက ဘာပြောလိုက်တာလဲ ဟင်"

"မင်းကိုချစ်တယ်လို့ ပြောတာ"

"ဟင် သြော်"

နှစ်ယောက်သား ဆက်ထိုင်ကြည့်ကြတယ်။

မင်းသမီး မျက်နှာလေးငုံ့သွားတယ်၊ ပြီးတော့ ဖြည်းဖြည်းချင်းပြန်မော့လာတယ်။

"ဖရူး ဖရူး ဖရူး"

"ဘာ ဘာပြောတာလဲ"

သြော် … ဒီတရုတ်က တစ်မျိုး၊ ကြည့်ရတာ ဖီးလ်ပျက်ပါ့။

"ကျွန်မစဉ်းစားပါရစေအုံးလို့ ပြောတာကွာ"

မင်းသမီး စဉ်းစားတယ်။ လေးလေးနက်နက်စဉ်းစားတယ် ဘဝနဲ့ရင်းပြီး ချစ်သင့်မချစ်သင့်ကို စဉ်းစားတယ်။

"တွေ့လား အဲ့ဒါ ငါတို့မြန်မာကွ အချစ်ကိစ္စကို ဘဝနဲ့ရင်းပြီးကိုစဉ်းစားတာ၊ မင်းတို့လို ဘားမှာတွေ့ပြီးတာနဲ့ ခုတင်ပေါ်ရောက်သွားတာ မဟုတ်ဘူး"

မင်းသမီးစဉ်းစားလို့ဝတော့ ခေါင်းညိတ်ပြတယ်၊ ပါးစပ်ကလဲပြောတယ်။"ဖရူး ဖရူး"

"ဟင် မင်းပြောတော့ ဘဝနဲ့ရင်းပြီး စဉ်းစားတာဆို"

"အေးလေ … စဉ်းစားပြီးပြီပဲဟာ .. ဘာလဲ နှစ်နဲ့ချီပြီးစဉ်းစားပြရမှာလား၊ ရှူတင်စရိတ် မင်းပြန်ပေးမှာမို့လား"

"အယ် ငါပြောတာက"

"မပြောနဲ့ … ငါဒါရိုက်တာ ငါသိတယ် ကြည့်စရာရှိတာ ဆက်ကြည့်"

"အု"

မကြာဘူး မင်းသားနဲ့မင်းသမီး ချစ်သူတွေဖြစ်သွားတယ်။ ပန်းခြံထဲမှာလိုက်တမ်းပြေးတမ်းကစားကြတယ်။

"ကြည့်ထား ငဝမ် ငါတို့နိုင်ငံက လပ်ဖ်ဆင်းန်ဟာ ဘယ်လောက်သန့်ရှင်းလဲဆိုတာ… မင်းတို့လို ကစ်ဆင်ဆွဲပြမှ လပ်ဖ်ဆင်းန်ဖြစ်တာမဟုတ်ဘူး၊ စိန်ပြေး လိုက်တမ်းနဲ့လဲ လပ်ဖ်ဆင်းန်ဖြစ်တယ်
ကွ မှတ်ထား …"

"အေးနော်"
သစ်ပင်တစ်ပင်အနောက်ကို မင်းသမီးကပြေးပုန်းတယ်၊ မင်းသားက အပင်ကို ပတ်ရှာတယ်၊ မင်းသမီးက ပတ်ပုန်းတယ်။

"ဒါက တူတူပုန်းတမ်း"

"ဟင် … သြော်"

"ဟောဒါက ကြက်ဖခွပ်တမ်း"

"မင့် … မင့်ဟာက လပ်ဖ်ဆင်းန်ပါနော်"

"လပ်ဖ်ဆင်းန်ပါကွ"

အဲ့သည်အချိန်မှာပဲ ချုံတွေထဲကနေ လူဆိုးတွေထွက်လာတယ်။

မင်းသားက တစ်ယောက်၊ လူဆိုးက ငါးယောက်။

ဒါပေမဲ့ တစ်ယောက်ချင်းစီ တန်းစီပြီး မင်းသားနဲ့ချရတယ်။ အလှည့်ကျော်လို့တောင် မရဘူး။

"မင်းတို့နိုင်ငံက ရန်ဖြစ်တာတစ်မျိုးပါလားဟ"

"အဲ့ဒါစည်းကမ်းရှိတာ၊ တန်းစီပြီး တစ်ယောက်ပြီးမှ တစ်ယောက်ချခွင့်ရှိတယ်၊ မင်းတို့နိုင်ငံမှာ အဲ့သည်စနစ်ရှိလား ပြော"

"ဟင် အယ် မရှိ"

လူဆိုးက မင်သားကိုထိုးတယ်။ မင်းသားမရှောင်ဘူး။ ဒါပေမဲ့ မထိဘူး လူဆိုးက ချော်ထိုးတာလေ။

"ဟာ မင့် မင်းသားကလဲမရှောင်ပါ့လား"

"ဟ မင်းသားက မင်းသားလေ။ သူ့ကို ကုန်းကုန်းကွကွရှောင်ခိုင်းလို့ရမလား။ ချွေးတွေထွက်ကုန်ရင် မိတ်ကပ်ပျက်မှာပေါ့ဟ"

"ဟယ်"

"မပူနဲ့ လူကြမ်းတွေ သူတို့ဘာသာ ချော်ထိုးလိမ့်မယ်"

ဘယ်ချော်ထိုးတယ်၊ ညာချော်ထိုးတယ်။ မင်းသားက လူဆိုးကို နဖူးတောက်လိုက်တယ်၊ လူဆိုးနှစ်ပတ်ကျွမ်းပစ်ပြီး ပက်လက်လန်ကျသွားတယ်။

"ဟာ"

ငဝမ်ကြွေသွားပြီ၊ မကြွေခံနိုင်ရိုးလား… နဖူးတောက်တဲ့အခန်းကို စလိုးမိုးရှင်းနဲ့ကိုပြတာလေ အဟင်း။

အဲ့သည်အချိန်မှာ လူကြမ်းတစ်ယောက်က အိတ်ထဲကိုလက်နှိုက်ပြီး ဖြည်းဖြည်းချင်းပြန်ထုတ်တယ်။

"ဟင် လက်ညှိုးကြီး"

"ဓားထည့်ရိုက်ရင် အတုခိုးမှားပြီး ဓားထိုးမှုတွေ ဖြစ်ကုန်မှာပေါ့"

"ညှယ်"

"လက်ညှိုးဆိုတော့ အပြင်မှာတကယ်လုပ်လဲ ကလိပဲထိုးလို့ရမှာ ဟိ ဟိ" လူကြမ်းက မင်းသားကို လက်ညှိုးနဲ့ ပြေးထိုးတယ်။

"ဇွက်"

"ဟင် ဇွတ်တဲ့"

မင်းသားမျက်နှာရှုံ့မဲ့သွားတယ်။ ပါးစပ်ကနေ တံတွေးတွေစီးကျလာတယ်။

"ဟာ သွေး … သွေးထွက်ရမှာမဟုတ်ဖူးလား"

"သြော် ကဲ … သွေးထွက်သံယိုတွေ မရိုက်ပါဘူးဆို"

"ဟင် … သြော်"မင်းသား ခွေကျသွားတယ်။

"မောင် ဟောင် ဟောင် ဟောင်"

ဘာအမိုးမှမရှိတဲ့ပန်းခြံထဲမှာ မင်းသမီးရဲ့ အက်ကိုးသံကြီးက ဟီးလို့။

"သေသွားရောလား"

"မသေပါဘူး ဆေးရုံခဏတင်ထားရုံပါ"

မင်းသားအနားမှာမရှိတော့ မင်းသမီးခမျာ အိမ်ထဲမှာငုတ်တုတ်ထိုင်ပြီး လွမ်းတာပေါ့။ ခုတင်ပေါ်မှာလွမ်းတယ်၊ ဝရန်တာမှာလွမ်းတယ်၊ ခြံထဲမှာ ဒန်းစီးပြီးလွမ်းတယ်၊ လက်ပိုက်ပြီးမတ်တတ်မတ်တတ် လွမ်းတယ်။
အဲ့သည်အချိန်မှာပဲ လူတစ်ယောက် ဗြုန်းဆို အိမ်ထဲဝင်လာတယ်။

"သူ … သူက…"

"ပထွေး"

"ဘယ်လိုဖြစ်ပြီး အခုမှပေါ်လာတာလဲ"

"အခုမှ လိုလို့ပေါ့ကွ"

"သြော်"

လူကြီးက မင်းသမီးကိုပွေ့ချီလိုက်တယ်။

"ရှင် ဘာလုပ်တာလဲ လွှတ်နော် …"

"ကိုကြီးက ချစ်လို့ပါကွာ"

မင်းသမီးကို ခုတင်ပေါ်တင်လိုက်တယ်။

"ကြည့်ထား ငဝမ် ငါတို့မြန်မာကားမှာ အယုတ်ညံ့ဆုံး sex အခန်းကိုတောင် ဘယ်လိုသိမ်မွေ့အောင် ပညာသားပါပါ ရိုက်ပြထားသလဲဆိုတာကို ကြည့်သွား လိုက် … ဟား ဟား … အဲဒါ မြန်မာကွ"ကောင်းခန်းကတော့ စပြီ။

"ရှင် မယုတ်မာနဲ့ အို အမေ့ …"ငဝမ် တံတွေးမျိုချတယ်။ နိုင်ငံခြားကားရိုက်နေပြီး ခုထိ နှာဗူးထတုန်း။

"အား …………"

မင်းသမီးရဲ့ အော်သံ … ကင်မရာက မျက်နှာကြက်က ပန်ကာကိုရိုက်ပြတယ်။

"ဟာ"

ပင့်ကူအိမ်တွေကို ရိုက်ပြတယ်၊ နောက်ခံတီးလုံးကလဲ ကြမ်းပေ့ဆိုတာကို သုံးထားတာ၊ ဘယ်သူ စိတ်မလှုပ်ရှားဘဲ နေမလဲ။

"ကြည့်ထားငဝမ် အဲ့ဒါပညာကွ ဟား ဟား ဟား"

ပြတင်းပေါက်ကနေ ဟိုဘက်ခြံထဲက သရက်ပင်ကသစ်ရွက်ကို ဇူးမ်ဆွဲပြတယ်၊ နောက်ဆုံး ခြံရှေ့မှာဆောင့်ကြောင့်ထိုင်နေတဲ့ခွေးကို ရိုက်ပြတယ်။

ခွေးက သင်ပေးထားသလားမှတ်ရတယ်။ အသံနေအသံထားနဲ့ကို ထအူတာ။ ကြားတာနဲ့ကို ကျောချမ်းစရာ။

"ငါ … ငါ ဒီလောက် ကြောက်စရာကောင်းတဲ့ မုဒိမ်းခန်းကို တစ်ခါမှမကြည့်ဖူးဘူး"

ငဝမ် အသံတွေတုန်နေပြီ။

"ခလွမ်း"

"ဟာ … ဘာ ဘာဖြစ်တာလဲ ဟင်"

"မင်းသမီး အပျိုရည်ပျက်တာ"

"ဟင် … အသံအကျယ်ကြီး"

"အဲ့ဒါပဲ မင်း အဲ့သလိုပိန်းလို့ နိုင်ငံခြားကားပဲ ရိုက်နေရတာ"

"အုမ်"

"ပန်းအိုးကွဲရင် အပျိုရည်ပျက်တာကွ မှတ်ထား"

"ညှယ်"

မင်းသမီး ငိုပြီ၊ ငိုနေရင်းနဲ့ဘေစင်ဆီကို ထပြေးပြီးအန်တယ်။

"ဟင် ဒါ ဒါက "

"ကိုယ်ဝန်လေ "

"ဟယ် ချက်ချင်းကြီး"

"မင်းတို့ဆီက ဒါရိုက်တာတွေ ဟိုအခန်းပဲရိုက်တတ်တယ်၊ ဗိုက်ကြီးရကောင်းမှန်းတော့ မသိဘူးမလား"

"ဟေ့အေး"

ငတိ မျက်လုံးလေးအဝိုင်းသားနဲ့ ခေါင်းခါပြတယ်။ နောက်ပြီး မျက်ရည်တွေစို့တက်လာတယ်။

"ငါနားလည်သွားပါပြီ သူငယ်ချင်း။ 

တကယ်တော့ မင်းတို့မြန်မာကားတွေကသာ ခေတ်အမီဆုံးပါ"

"အဲ့ဒါ"

"ဘားတွေ ကလပ်တွေမပါဘဲ ကွင်းပြင်ကြီးထဲမှာတင် ဖူးစာဆုံလို့ရတယ်ဆိုတာ ငါတို့မသိခဲ့ဘူး"

"အေး"

"စိန်ပြေးလိုက်တမ်းကစားရုံနဲ့ လပ်ဖ်ဆင်းန်ဖြစ်မှန်းမသိခဲ့ဘူး"

"ဥာဏ်သုံးရတယ်"

"ငါတို့မှာ ဖိုက်တင်ခန်းကို မင်းတို့လို စည်းကမ်းရှိရှိတန်းစီပြီးချရကောင်းမှန်း မသိဘူး"

"တဖြည်းဖြည်းချင်း ပြုပြင်ပေါ့ကွာ"

"စိတ်အနာဆုံးက မုဒိမ်းခန်းကို ဒီလိုရိုက်ပြလို့ရမှန်း ငါမသိခဲ့ဘူး သူငယ်ချင်း"

"အဲ့ဒါ အနုပညာပဲလေ"

"ငါကြိုးစားမယ်"

"ကြိုးစား"

"ဖက်စ်အန်ဖျူးရီးယက်စ်မှာ ကားတွေကို အလုအယက်ပြိုင် မမောင်းခိုင်းဘူး။ စည်းကမ်းရှိရှိ တန်းစီပြီးမောင်းခိုင်းမယ်"

"မောင်းခိုင်း"

"စောကား အသစ်ရိုက်ဖြစ်ရင် သွေးအစား တံတွေးသုံးမယ်"

"သုံး"

"လူသတ်ခန်းတွေပါရင် မျက်နှာကြက်ကို ရိုက်မယ်"

"ရိုက်"

"ပင့်ကူအိမ်ကို ရိုက်မယ်"

"ရိုက်"

"ငါကြိုးစားမယ် တစ်နေ့ မင်းလို အရည်အချင်းပြည့်ဝတဲ့ ဒါရိုက်တာတစ်ယောက်ဖြစ်အောင် ကြိုးစားမယ်"

"ဝမ်းသာလိုက်တာ သူငယ်ချင်းရာ"

နောက်တော့ ကျုပ်ရိုက်ထားတဲ့ မြန်မာကားတွေ အထပ်လိုက်ကြီးမပြီး ပြန်သွားလေရဲ့။

"အင်း ပီတိဖြစ်မိတယ် ငဝမ်ရာ"

ဒါပေမဲ့ သူ့ဆီက အခွေတစ်ခွေကျန်ခဲ့လေရဲ့။ ဘာရယ်တော့ မဟုတ်ပါဘူး၊အပြုသဘောနဲ့ ဝေဖန်ကြည့်တာပဲဆိုပြီး စက်ထဲ ထိုးလိုက်တယ်။

"အံမယ် … ကာလာလေးကစိုသားဟ။ ဒီကောင်ရိုက်ထားတာတော့ ဟုတ်ဟန်မတူဘူး"

ကားက ကျုပ်လိုဝါရင့်ဒါရိုက်တာ တစ်ယောက်တောင်စိတ်ဝင်စားလောက်အောင် ကောင်းနေတယ်။ ထူးထူးခြားခြား ဒီအင်္ဂလိပ်ကားက ကျုပ်ရိုက်တဲ့ကားတွေထက်တောင် ကောင်းနေသေးတယ်။

သရုပ်ဆောင်ထားတာကလဲ အပိုအလိုမရှိ ကွက်တိ။

မင်းသားနှစ်ယောက်စလုံးက တကယ့်ဝါရင့်တွေဖြစ်ပုံရတယ်။ တစ်ယောက်က အရပ်ရှည်တယ်၊ တစ်ယာက်က ညိုညို ပုပု။ အတွဲလည်းညီတယ်၊ စကားလည်း နည်းတယ်၊ တကယ့် အက်ရှင်ကားစစ်စစ်။

"ဒီမင်းသားနှစ်ယောက်တော့ မြန်မာနိုင်ငံကိုဖိတ်ပြီး ငါ့ဇာတ်ကားထဲထည့်ရိုက်အုံးမှပါ မှန်းစမ်း နာမည်တွေ…"