အရုပ်မလင်

ခေတ်ကိုက လူလူချင်းမယူကြတော့ဘူး။

လူနဲ့ အရုပ် လက်ထပ်ကြတဲ့ခေတ်။

ယောက်ျားတွေကလဲ အရုပ်မတွေနဲ့ လက်ထပ်၊ မိန်းမတွေကလဲ အရုပ်ထီးတွေနဲ့လက်ထပ်။ ပိုက်ဆံမရှိတဲ့လူတွေကတော့ အပျိုကြီး လူပျိုကြီးပေါ့။

အိမ်ထောင်ပြုချင် ပိုက်ဆံစုအရုပ်ဝယ် ဒါပဲ။

ကျုပ်သက်တမ်းတစ်လျှောက် အိမ်ထောင်ပြုချင်လွန်းလို့ ပိုက်ဆံစုလာလိုက်တာ အခုအသက် ၅၀ အရွယ်ရောက်မှ အရုပ်ဝယ်ဖို့ ပိုက်ဆံပြည့်တယ်။

ဟိုအရင်ခေတ်ကလို ဟိုဟာတစ်ခုတည်းအတွက် အရုပ်ဝယ်ကြတာ မဟုတ်တော့ဘူး။

ပိုပြီးသဘာဝကျလာပြီ၊ ပိုပြီးလူသားဆန်လာပြီ။

ဈေးပိုပေးနိုင်လေ ပိုလူသားဆန်လေပဲ။

"ဟာ … အဘ … အရုပ်လာကြည့်တာလား …"

အရုပ်ဆိုင်ထဲဝင်ဝင်ချင်း အဘအခေါ်ခံရတော့ နည်းနည်းတော့တင်းတာပေါ့။

"အေး … "

"ဘယ်လောက်သုံးမလဲအဘ"

"တစ်ရာ"

"ဟာ … သိန်း သိန်းတစ်ရာလား"

ကောင်လေး မျက်လုံးပြူးမျက်ဆန်ပြူးဖြစ်သွားတယ်။

ကျုပ်လဲ အင်္ကျီကော်လာစကို ဟန်ပါပါထောင်ရင်း ပိုက်ဆံအိတ်ကိုပုတ်ပြလိုက်တယ်။

"တစ်ခါတည်း ငွေအကြေချေမှာ ကောင်းပေ့ဆိုတဲ့အရုပ် ငါ့ပြစမ်း"

အဲ့သည်တော့မှ ဒီကိုလာအဘ၊ ဟိုဟာလေးကြိုက်လားအဘတွေ ဖြစ်ကုန်ကော၊ အရုပ်တွေက လှတော့လှပါရဲ့။

လူသား သိပ်မဆန်ဘူးလို့ထင်မိပြန်ကော။

"အိမ်ထောင်သည် မိန်းမပုံပေါက်တာ ရှာပေးကွာ တအားလှဖို့မလိုဘူး …"

"ဟာ ရှိတယ် ရှိတယ်။ ဆိုင်အနောက်မှာ သေသေချာချာကို သိမ်းထားတာ"

"ဟာ တကယ်လား"

"အင်း လွှင့်ပစ်ရမှာနှမြောလို့"

"အုမ်"

ဆိုင်နောက်ဘက်ကနေ ဒုန်းခလွမ်း ဒုန်းခလွမ်းနဲ့ စက္ကူပုံးကြီးတစ်ခု ရွှေ့ချလာကြတယ်။

"ဟာ ရေ … ရေခဲသေတ္တာကြီးလား"

"မဟုတ်ဘူး … ခင်ဗျားလိုချင်တဲ့ အရုပ်လေဗျာ"

"ဟာ … အဲ့ဒီလောက်ကြီးလား"

"အိမ်ထောင်သည်ဆိုဒ်ဆို"

"ဂစ်"

အဟုတ်ဗျာ … ဘူးဖွင့်လိုက်တော့ အတောင့်လိုက်ကြီးထွက်လာတယ်။

ပီဘိ အိမ်ထောင်သည်အခွက်၊ တစက်မှကိုမချောတာ။ မျက်နှာပြောင်ကြီးနဲ့ပုံစံက ဝဝဖိုင့်ဖိုင့်။

"ဟ … ဗိုက်ခေါက်ထူလှချည်လားကွ ဟေ"

"ဆီလီကွန် ပိုထည့်ပေးထားတာ ကျေးဇူးတင် …"

"ဟင် … သြော်"

"ပိုင်ရှင်ခင်ပွန်းက စိတ်ကြိုက်မိတ်ကပ်ပစ္စည်းတွေဝယ်ပြီးပြင်ပေးလို့ရအောင် တမင် မျက်နှာပြောင်ထားထားတာ ကဲ သဘာဝမကျဘူးလား …"

"မချောလဲ မချောဘူးနော်"

"အဲ့ဒါကိုက အိမ်ထောင်သည်အပူရုပ်လေ။ ဆံပင်ကိုလဲကြည့်လိုက်အုံး"

"ရှုပ်ထွေးနေတာပဲကွာ"

"သန်းအစစ်တွေပါ လွှတ်ပေးထားတာ"

"ဝေါ့ …"

"ကဲ ဘယ်လောက်လူသားဆန်လဲ"

"အေး … နော်"

"သူများထက် နှစ်ဆဝအောင်ဆီလီကွန်ပိုထည့်ထားတယ်ဗျာ"

"အင်း"

"ဆံပင်မှာ သန်း"

"အင်း"

"ရင်ဘတ်ကို တွဲကျနေအောင်ကို ဒီဇိုင်းထုတ်ထားတာ"

"သြော်"

"လူ့ချွေးနံ့နဲ့ တစ်ထပ်တည်းတူနေ အောင်လုပ်ထားသေးတယ် ရှူကြည့်"

"ဖရူး … ဝေါ့"

"ဆဲတတ်တယ် ဆိုတတ်တယ်"

"အင်း"

"ညောင်းတတ်တယ် ညာတတ်တယ်"

"ဟယ် အရုပ်ကလေ"

"လစာတွေ အပ်ထာလို့ရတယ်"

"မအပ်ရင်ကော"

"ခင်ဗျားဆီက လုလိမ့်မယ်"

"သြော် လူသားဆန်တာ"

"တကယ် အိမ်ထောင်ကျသလိုကို ဖြစ်စေရမယ် အာမခံတယ် … ယူမယ်မလား ဒီအရုပ်"

"ဘယ်လောက်"

"ဘယ်လောက်ပါလဲ"

"သိန်းတစ်ရာ"

"ဒါဆို ၉၉ သိန်း ငါးသောင်းပေါ့"

"ဟင် … သြော်"

"ကြိုပြောထားမယ်နော် ဆက်တိုက်မကလိနဲ့ …"

"ဟဲ့ … ဘာတုန်း "

"ဘက်ထရီ ပူတတ်တယ်"

"သြော်"

အဲ့သလိုနဲ့ အရုပ်မဝဝဖိုင့်ဖိုင့်ကြီးကို အိမ်သယ်ခဲ့တယ်ပေါ့ဗျာ။

"ဟယ် လမ်းလဲမလျှောက်ပါလား"

အရုပ်ဆိုင်ကို ဖုန်းဆက်မေးကြည့်တော့"တမင် မလျှောက်ခိုင်းတာ၊ ဘယ်မိန်းမဝဝတွေက အိမ်ထဲပတ်ပြေးနေတာ မြင်ဖူးလဲပြော"

"အေးနော်"

"မြင်ဖူးသလား"

"ဟေ့အေး"

"အဲ့ဒါဆိုပြီးပြီပေါ့ …"

"သြော် လူသားဆန်လိုက်တာ"

"ဂွပ် …………"

ကဲ … အရုပ်နဲ့ကျုပ်နဲ့တော့တွေ့ပြီ ရီမုဒ်ကို လက်ထဲယူလိုက်တယ်။

"ဘယ်က စကလိရပါ့ အဟိ အဟိ"

အရေးထဲ ဝမ်းသာလုံးကဆို့လာသေးတယ်။

"အို … ဟိုဒင်းဟိုဟာကိုတော့ ညမှပဲ စမ်းကြည့်တော့မယ် … အခု အိမ်မှုကိစ္စလေးဘာလေး ခိုင်းကြည့်ရမယ်"

ရီမုဒ်ပေါ်က အိမ်မှုကိစ္စဆိုတဲ့ခလုတ်ကို နှိပ်လိုက်တယ်။
"ကျွီ …………"

အရုပ်မ  ခေါင်းလှည့်လာတယ်။

ဘေး ဘယ်ညာကြည့်တယ်။

"ယောက်ျား …"

"ခင်ဗျာ … အဲ ဟေ ဟေ "

"တစ်အိမ်လုံးလဲ ဖုန်တွေနဲ့ပါလား ကြမ်းကူတိုက်ပေး"

"ဟာ"

ကြည့်စမ်း … ဘယ်လောက် မိန်းမဆန်သလဲ … အသံလေးကို သာနေတာပဲ။

ကြမ်းကူတိုက်ပေးတဲ့ …

ကျုပ်ဖြင့်ပျော်လွန်းလို့ မျက်ရည်တောင်ဝဲတယ်။

"လူသားဆန်လိုက်တာ အရုပ်မရယ်"

ကျုပ်မှာ ဖင်ထောင် ဖင်ထောင်နဲ့ ဝမ်းသာအားရ ကြမ်းကုန်းတိုက်နေတုန်း ရှိသေး။

"ယောက်ျား …"

"ဟေ …"

"ရေတင်အုံးလေ …"

"ဟာ … ဟုတ်သား မေ့တော့မလို့"

တွေ့လား …

သူသာမပြောရင် ကျုပ်မေ့ပြီ။ ကဲ စိတ်ထဲ တကယ့်အိမ်ထောင်သည်ဘဝ ရောက်သွားသလိုပဲ။

မိန်းမက ထိုင်ခုံပေါ်ကနေ လက်ညှိုးထိုးပြီး ဟိုဟာခိုင်း ဒီဟာခိုင်းတယ်။

ကျုပ်က လိုက်လုပ်တယ်၊ တကယ့် အိမ်ထောင်သည် ဘဝ။

"တောက် … ၉၉ သိန်းခွဲက ပိုးဆိုးပက်စက် တန်နေပြီ ဟီ … ဟိ …"

"ယောက်ျားရေ …"

"ဟေ ဆို"

အသံလေးကိုက သာနေတာ။

အရုပ်က ရုပ်သာဆိုးတာ အသံကျ ချွဲပျစ်နေတာပဲ။

"မိန်းမကို နှိပ်ပေး"

"ဟာ "

တွေ့လား … အဆင့်တက်ပြီ။

ရီမုဒ်တောင် နှိပ်စရာမလိုဘူး။

အရုပ်ကတော့ ဘယ်ညောင်းပါ့မလဲ။

ဒါပေမဲ့ လူသားဆန်အောင် တမင်ညောင်းပေးတာလေ။

ကျုပ်မှာ တကယ့်မိန်းမရသွားသလိုကို ခံစားရတာ၊ မိန်းမကိုမှအိပ်ယာထဲ ဗုံးဗုံးလဲနေတဲ့ နာတာရှည်ရောဂါသည်ကို ယူထားရသလိုကို ဖြစ်နေတာ။

"ဒါမှ အိမ်ထောင်သည် ဘဝအစစ်"

တစ်နေကုန် သူကခိုင်းလိုက် ကျုပ်ကလုပ်လိုက် မောတယ်ကိုမထင်တာ။အဲ့သလိုနဲ့ ညဘက်ရောက်လာတာပေါ့။

အိုး ဘာပြောကောင်းမလဲ။

မီးကလဲပြတ်နေတော့ ဂွတ်ရှယ်ပေါ့။

"အောင်မာ ဒီတစ်ခါပဲ EPC ချစ်ဖို့ ကောင်းဖူးသေးတယ် ဟီ … ဟိ …"

အရုပ်မကလဲ အိပ်ယာပေါ်ကျောပေးပြီး အမူပိုပိုနဲ့ဆွဲဆောင်နေပြီ။

"ဂလု … အရုပ်မရေ … အဲ ဟုတ်ပေါင် … မိန်းမရေ"

"ဘာတုံး"

"ဟဲ့ … ပလုတ်တုပ်ကြီး ကလူ ကလူ"

ချက်ချင်းကို လေသံပြောင်းသွားတာ သြော် ကိုယ်ဝယ်ထားတဲ့အရုပ် ကိုယ်ပြန်ကြောက်နေရတယ်။

"ဟိုဟာလေ ဟိုဒင်းလေ အဲ့ဒါ … အဟိ"

"ဘာမှ လာမပြောနဲ့ စိတ်မပါဘူး"

ပြောပြီး ဝှစ်ခနဲတုံးလုံးပက်လက်ကြီး ပြန်အိပ်နေပြန်ရော။

"တောက် ဒါလုပ်ဖို့ဝယ်ထားတာကို ဒါမလုပ်ရတော့ ငါက ဘာလုပ်ရမှာလဲ"

ချက်ချင်းအရုပ်ဆိုင်ကို ဖုန်းပြန်ဆက်လိုက်တယ်။

"ဒီမှာ သူငယ်… မင်းတို့အရုပ်က ဘာသဘောလဲကွ"

"ဘာဖြစ်လို့လဲဗျ"

"တစ်နေကုန် ငါ့ကို အိမ်သန့်ရှင်းရေး လုပ်ခိုင်းတယ်၊ ထမင်းဟင်းချက်ခိုင်းတယ်၊ အဝတ်လျှော်ခိုင်းတယ်၊ သူကျ နေကြာစေ့ ပလောက် ပလောက် ဝါးပြီး ကိုရီးယားကား ထိုင်ကြည့်နေတယ်။ 

တစ်နေကုန် နာတာရှည်ရောဂါသည်ကြီးလိုပဲ၊ ဒီမှာသူငယ် ငါ သိန်းတစ်ရာနီးပါးပေးဝယ်ထားတာနော်"

"အင်းလေ … အဲ့လောက်ပေးထားလို့လဲ အဲ့သလို လူသားနဲ့အနီးစပ်ဆုံး အရုပ်ကိုရတာပေါ့"

"ညှယ် … အင်း ထားပါတော့ အခု လင်ခန်းမယားခန်းဝင်ဖို့ပြောတော့ ငါ့ မောင်းထုတ်တယ်"

"ဘယ်မိန်းမက တစ်ခါတည်းလက်ခံလို့လဲ"

"အယ် … အဲ့ဒါတော့ ငါမသိ"

"ဘယ်မိန်းမဖြစ်ဖြစ် ချော့ရတယ်၊ စည်းရုံးရတယ်။ အဲ့သလိုတွေလုပ်လို့ရအောင် တမင်သက်သက် reject system ထည့်ထားတာဗျ"

"အဲ့တော့ ငါဘာဆက်လုပ်ရမလဲ"

"ချော့ပေါ့ဗျ အလိုမတူဘဲနဲ့တော့ မလုပ်နဲ့နော် မျက်လုံးမှာကင်မရာပါတယ်။ ခင်ဗျား ကိုယ့်အရုပ်ကိုယ်မုဒိန်းကျင့်မှုနဲ့ အထဲရောက်သွားမယ်"

"ဂစ်"

သြော် … စည်းရုံးရမယ်ဆိုပါလား။

ဒါလဲမဆိုးပါဘူးလေ၊ အိမ်ထောင်သည်ဘဝကို အပြည့်အဝခံစားရတာပေါ့ နော့်။"မိန်းမရေ ယောက်ျားလာပြီဟေ့ "

"……………"

"မိန်းမ အိပ်ပြီလား"

တုတ်တုတ်မလှုပ် …

"မိန်းမ … ဒီဘက်လှည့်ပါအုံးဆိုဟာ …………………… အား … အားကုန်သွားပြီ"သေဟ … ဒါလား ဘတ်ချလာနိုက်။

မီးကလဲ မလာ … အိပ်ယာပေါ်မှာ ဘက်ထရီကုန်နေတဲ့ အရုပ်မကြီးရယ်၊ ဆောင့်ကြောင့်ထိုင်ပြီးမှိုင်နေတဲ့ကျုပ်ရယ် နှစ်ယောက်တည်း …

"သြော် … လူသားဆန်ပါဘိ"