ဒါမှ မြန်မာ

ဇေယျာ

မြန်မာပြည်ကနေ ထွက်လာလိုက်တာတောင် အတော်ကြာခဲ့ပြီ … ဒေါ်နယ်ထရန့်နိုင်သွားကတည်းက ဆိုပါတော့။

ထရန့်နိုင်သွားလို့ အမေရိကန်နိုင်ငံ အတွင်းက နာမည်ကြီးတချို့ နေရပ်တွေ ပြန်ကုန်ကြတာတော့ အဆန်းဟုတ်မယ် မထင်ဘူး။

အေး … ဘာမဆိုင် ညာမဆိုင် မြန်မာနိုင်ငံက ကျုပ်က နိုင်ငံခြားပြောင်းပြေးတာတော့ သိပ်ထူးဆန်းနေတယ်မလား။

ဘယ့်နှယ့်ဗျာ … ထရန့်ပုံနဲ့ မုန့်ဟင်းခါးဆိုင်တွေကော၊ ထရန့်ကွမ်းယာဆိုင် တွေကော၊ ထရန့်အကြော်စုံတွေကော၊ ထရန့်ကူဖီမလိုင်တောင် ပါလိုက်သေးတယ်။

ကြိုက်တာလဲ ကြိုက်တာပေါ့။

ဒါပေမဲ့ ကိုယ့်နိုင်ငံရဲ့ ခေါင်းဆောင်လဲ မဟုတ်ဘူးလေ။

ထရန့်ဟာ ဘာလဲ၊ ဘယ်သူလဲဆိုတာတောင် ဂဃနဏမသိဘဲနဲ့ မြန်မာတို့ ထုံးစံဝန်းရံကြတာဟာ အင်မတန်မှပဲ မျက်စိနောက်စရာကောင်းလှပါတယ်။

ထရန့်ပုံတွေကို နေရာအနှံ့မှာကပ်လာကြတယ်။

ကလေးလေးတွေကအစ ထရန့်။

"ဟေ့ကောင်လေးတွေ … မင်းတို့က ထရန့်ကိုသိလို့ အော်နေကြတာလား …"

"သိတယ်လေ … ပုဂံခေတ်က သူရဲကောင်းလေ"

"ဟင် … အာ မဟုတ်ပါဘူးကွာ

မင့် ဘယ်သူပြောလဲ"

"သြော် … မှားလို့ …"

"ပြော … ဒါဆို ဘယ်သူလဲ"

ကောင်လေး ချက်ချင်းငြိမ်ကျသွားတယ်။ ပြီးတော့ မျက်လုံးလေး ပုတ်ခတ် ပုတ်ခတ်နဲ့ မျက်ရည်လေး ဝဲလာတယ်။

"အယ် … ဘာတုံးဟ"

"မြန်မာ့လွတ်လပ်ရေးအတွက်"

"ဟင် … ဘယ်လို"

"ငယ်ငယ်ရွယ်ရွယ်နဲ့ အသက်ပေးသွားတဲ့"

"ဟယ် … ဒီ ခုနစ်ဆယ်ကျော်ကြီးက …"

"ဦးရာဇတ်ရဲ့ တပည့် …"

"ဟာ …"

"ရဲဘော် ထရန့်"

"ဂစ်"

ကောင်လေး မျက်ရည်တွေပင့်သုတ်ပြီး

"ထရန့်လို့ တစ်ခါပြောတိုင်း သွေးပွက်ပွက်ဆူလာတယ်"

"နေ … နေတအားပူလို့လားဟင်"

"ထပ်သရီး … အဲ့ဒါ မြန်မာ့သွေးပဲ ဦးလေး ၊ အဲ့ဒါ မြန်မာ့သွေးပဲ …"

"ဟင် … သြော်"

မေးမိတဲ့ကျုပ်ကိုယ်ကမှားတာ။ အဲ့သလို ဘုမသိဘမသိထောက်ခံနေတဲ့လူတွေလဲ အများကြီး။

မဲအရေအတွက်အရကလင်တန်က များပြီး ပြည်နယ်ရမှတ်မှာ ထရန့်ကအသာစီးနဲ့ နိုင်သွားတာဆိုတာကိုလဲ တ

ချို့မသိကြဘူး။

"ထရန့်ကို ဘယ်တုန်းကစသိတာလဲ"

မေးကြည့် "wwe မှာ" လို့ဖြေမယ့်လူတွေလဲ ရှိရဲ့ဆိုတော့ကာ … နားအေးပါးအေး မျက်စိအေးနေချင်လို့ မြန်မာနိုင်ငံက ထွက်လာတာကြာပေါ့။ ဒါပေမဲ့လဲ အသက်ကြီးလာတော့ မွေးရပ်နိုင်ငံမှာပဲ ခေါင်းချချင်လာပြန်ကော။

မြန်မာနိုင်ငံကြီး ဘာတွေဘယ်လို ဖြစ်လို့၊ ဘယ်ဟာတွေပြောင်းလဲကုန်ပြီလဲ သိချင်တာလဲ ပါတာပေါ့။

"အိုးမိုင်ဂေါ့ အဲဒါဘာကြီးလဲ"

"အလို … တစ်မျိုးကြီးပဲ"

"နတ်ပြည်ဆိုတာ ဒါလား"

လေယာဉ်ပေါ်က ခရီးသည်တွေ အားလုံး ဘာသာစကားအသီးသီးနဲ့ တွတ်ထိုး အံ့သြကုန်ကြတယ်။

ကျုပ် လေယာဉ်မှန်ပေါက်ကနေ အသာငုံ့ ကြည့်လိုက်တယ်၊ အောက်မှာ အလှူခံမဏ္ဍပ်လို အဆောက်အဦကြီးက ဟည်းလို့။

"အဟင်း အဟင်း … ရန်ကုန်လေဆိပ်တောင် ရောက်ပြီပဲ"

ရင်ထဲမှာ ဝမ်းနည်းဝမ်းသာကြီး။

ဝမ်းသာတာက မြန်မာနိုင်ငံပြန်ရောက်လို့၊ ဝမ်းနည်းတာက အခုချိန်အထိ အဲ့ဒီပေါက်ကရဒီဇိုင်းကြီးကို လေဆိပ်

ပါဆိုပြီးကြွားလို့ ကောင်းတုန်းမို့လို့။

လော်များတပ်လိုက်လို့ကတော့ ပီဘိ အလှူခံမဏ္ဍပ်။

လေယာဉ်ပြေးလမ်းကြောင်းထဲ ဝင်လာပြီဆိုရင်ပဲ မြန်မာ့မြေကြီးကို နင်းရ

တော့မဟဲ့ဆိုပြီး ရင်တွေခုန်နေပြီ။

"အလို … ဘာတွေတုံး"

လေယာဉ်ဘေးကနေ အတင်းပြေးလိုက်လာတဲ့ အရိပ်မည်းမည်းတွေ။

"ဗုန်း ဗုန်း ဗုန်း …"

"ဟ … ထုတယ်ဟ "

လန့်ဖျပ်ပြီးကြည့်လိုက်တော့ … လား … လား … ဆိုင်ကယ်တွေ။

"ဟင် … လေယာဉ်ကွင်းထဲအထိ ဘယ်လိုတွေတောင် …"

ဒီကြားထဲ လေယာဉ်ဘေးကပ်လိုက်ပြီး ငုံးဥပြုတ်လိုက်ရောင်းတာတွေလဲ ရှိသေးတယ်။

လေယာဉ်တံခါးပွင့်တာနဲ့ အောက်ကနေ အထုပ်တွေဝိုင်းဆွဲကြတယ်။

"အဘ … ဘယ်ပြန်မှာလဲ မြို့ထဲလား …"

"ဟင့်အင်း …"

"မြို့ပြင်လား …"

"ဟင့်အင်း … ရတယ်လာကြိုမှာ"

"လိမ်တယ်"

"အာ … တကယ်ဟ"

"ကျွန်တော့်ဆိုင်ကယ်နဲ့လိုက်ခဲ့လေ"

"နေ … နေပါစေကွယ် တကယ်လာကြိုမှာ မို့လို့ပါ"

"ဟာ … အဘ  ဒီမှာဒီဘက်လာ"

တော်ပါသေးရဲ့ဗျာ။ လာကြိုတဲ့ ချာတိတ်ရောက်လာလို့သာပေါ့။

နို့မို့ဆို ဒီဆိုင်ကယ် ကယ်ရီသမားတွေ ဝိုင်းအမဲဖျက်လို့ တစ်စစီဖြစ်ပြီပဲ။

"ဘယ်လိုဖြစ်တာလဲ မောင်ရင်ရယ်။

လေယာဉ်ကွင်းတစ်ခုလုံးလဲ ဈေးသည်တွေကော၊ ဆိုင်ကယ်တွေကော မြင်လို့ တောင်မကောင်းပါ့လား"

"အဘတို့ခေတ်ကလို မဟုတ်တော့ဘူးလေ။ အခုက … ဘာကန့်သတ် ညာကန့်သတ်တွေမရှိတော့ဘူး။ ဆိုင်ကယ်တွေလဲ ရန်ကုန်တစ်မြို့လုံး ကြိုက်တဲ့ နေရာစီးလို့ရနေပြီ"

"ဟေ … ဟုတ်လား"

အိမ်း … မြန်မာနိုင်ငံကြီးတောင် တော်တော်ကြီးလွတ်လပ်ခွင့်တွေရနေပြီပဲ။

"ဘယ်နားပါကင်ထိုးခဲ့တုန်း မောင်ရင်"

"ဒီမှာလေ …"

"ဟင် … ဆိုင်ကယ်"

"ဟာကွာ … ဘယ် ကမြင်းမသားက ပိတ်ရပ်သွားပြန်ပြီလဲ မသိဘူး"

များလိုက်တဲ့ဆိုင်ကယ်တွေ နှစ်ထပ်ကလဲ ရပ်ထားသေးတယ်၊ အခုလဲ အရှေ့မှာပိတ်ရပ်ထားတာ ဘယ်ကမှထွက်လို့မရ။

"မ ပါအုံး အဘရယ်"

"ဟင်"

"ဒါမှ ထွက်လို့ရမှာလေ"

"သြော်"

ဆိုင်ကယ်ကို နှစ်ယောက်ပေါင်း လျှာထွက်မတတ်မပြီး အပြင်ထုတ်လိုက်တယ်။

"ဦးထုပ်ဆောင်း အဘ"

"အေး "

"ခါးပတ်ပတ် အဘ"

"အေး … ဟင်"

"ရော့ … ဒီပလတ်စတစ်ကြိုးကိုယူ ဖင်နဲ့ခုံနဲ့မြဲနေအောင် ချည်ထား"

"သြော်"

"အဘတို့ခေတ်ကလို ပရမ်းပတာ မရတော့ဘူး။ ဘာစီးစီး ခါးပတ်ပတ်ရ

တယ်၊ ရုပ်ပျက်ဆင်းပျက်သေရင်တောင် ဒီကြိုးစကိုကြည့်ပြီး အလောင်းရှာရလွယ်

တာပေါ့"

"ဂစ်"

မောင်းတော့လဲ အနောက်ကနေ ငြိမ်ငြိမ်မနေရဘူး။

"အဘရေလုပ်ပါအုံး ညာကွေ့မလို့ လက်ထောင်ပေးပါအုံး"

"ဟမ့် … အချက်ပြမီးသုံးလေကွာ"

"ပျက်နေတယ်"

"သြော် … အေး"

"အဘရေ လုပ်ပါအုံး

ဘယ်ဘက်ကို ဘယ်ဘက်ကို"

"အေး … အေး"

"အဘ ဒီတစ်ခါတည့်တည့်သွားမှာ"

"အဲ့တော့ …"

"လက်နှစ်ဖက်စလုံးထောင်ပြလေ"

"ဟင် … သြော် အေး အေး"

မသိရင် ကြီးကောင်ကြီးမားနဲ့ ကမြင်းကြောထနေသလိုပဲ၊ အနောက်က

နေ လက်ကြီးနှစ်ဖက်တန်းလို့ ကားယားကြီး။

"ဟာ အဘ လုံချည်အနီပဲဖင်ကြွပြီး ကုန်းလိုက်"

"ဘာတုန်းဟ"

"ဘရိတ်မီးလဲ မလင်းဘူးလေ"

"ဂစ်"

အနောက်ကထိုင်လိုက်ရင်း ရန်ကုန်မြို့ကြီးကို တစေ့တစောင်းအကဲခတ်မိတယ်။

သြော် … အရင်ကနဲ့မတူတော့ပါလား။

"တီ … တီ …"

"အာကွာ ဖြတ်ဝင်ပြန်ပြီ"

"ဘယ့်နှယ်ဖြစ်တာတုန်းမောင်ရင်၊ မင်းတို့ဟာက ဆိုင်ကယ်ပေးစီးလဲ လမ်းပိတ်တုန်းပါ့လား …"

"ပွဲရှိလို့ဗျ အဘရ ပွဲရှိလို့ …"

"ဟေ … ဘာပွဲတုံး"

"ပြင်သစ်-မြန်မာ ချစ်ကြည်ရေးပျော်ပွဲရွှင်ပွဲ"

"ဟေ … ဟုတ်လား"

"အရုပ်ကြီးတွေ ထောင်ထားတာတွေ့လား ဘာလဲတော့မသိဘူး… ပျော်ဖို့တော့ ကောင်းမှာဗျ "

"အေးနော်"

"ဟိုဘက်တစ်လမ်းကျော်မှာက အိန္ဒိယ-မြန်မာ ချစ်ကြည်ရေးပျော်ပွဲရွှင်ပွဲ ဆေးရောင်စုံတွေ လူးကြမှာ"

"ဟုတ်လား …"

"အရှေ့မှာ ပိတ်နေတာကလဲ မြောက်ကိုရီးယား-မြန်မာ ပျော်ပွဲရွှင်ပွဲရှိလို့"

"ဘာလုပ်ကြတာလဲ"

"အပျော်တမ်း နျူးကလီးယားလွှတ်ကြတာ"

"ညှယ်"

"ပွဲတွေစုံနေလို့ လမ်းပိတ်တာပါဗျာ ပုံမှန်ဆို မပိတ်ပါဘူး"

"ပျော်စရာတော့ကောင်းသားကွ နော်။ ငါတို့တုန်းက သင်္ကြန်လောက်ပဲ ရှိတာရယ် …"

ချာတိတ် ဆတ်ခနဲလှည့်ကြည့်တယ်ပြီး မျက်မှောင်ကြုတ်ပြီး "ဘာတုံးဗျ သင်္ကြန်ဆိုတာ … ဘယ်နိုင်ငံနဲ့ ချစ်ကြည်ရေး လုပ်တဲ့ပွဲလဲ"

"ဟယ်"

သြော် … နိုင်ငံတကာကပွဲတွေကျ သိတယ်။ သင်္ကြန်ဆိုတာ ဘယ်နိုင်ငံရဲ့ ပွဲတော်လဲဆိုတာတောင် မသိတော့ပါ

လား။

ကျုပ်တို့ခေတ်ထဲကတော့ သင်္ကြန်မှာ သရုပ်ပျက်တာတွေလဲရှိရဲ့။

သရုပ်မပျက်တာလဲရှိရဲ့။

ရိုးရာပွဲတော်ကိုတော့ဖြင့် ရေဖြုန်းရုံ သက်သက်လို့ မမြင်စေချင်ဘူး။

ကားလမ်းပိတ်တာတော့ ပိတ်တာပေါ့လေ။

"ဟူး ……… ငါ ခဏဆင်းအုံးမယ်ကွာ၊ အညောင်းလေး ဘာလေးဖြေမလို့"

"ဟုတ်ကဲ့ အဘ"

ဆိုင်ကယ်ပေါ်က အသာခွဆင်းလိုက်တယ်၊ ကြည့်စမ်းပါအုံး … ရန်ကုန်မြို့တော်ခန်းမခြေရင်းမှာ ဆိုင်ကယ်တွေဥဒဟို သွားလာနေကြပြီး နိုင်ငံတကာပွဲတော်တွေ ဟိုတစ်စု ဒီတစ်စု ဘယ်မှာလဲ … ရန်ကုန်။

"ဟူး …… "

ဟိုကြည့် ဒီကြည့်လုပ်နေရင်း အင်မတန်မှထူးဆန်းတဲ့မြင်ကွင်းတစ်ခုသွားတွေ့တယ်။

"ဟင် … ဘယ်လိုကြီးလဲဟ"

အမျိုးသမီးက လမ်းလျှောက်သွားတယ်။ လက်ထဲမှာ လှောင်အိမ်တစ်ခု။

လှောင်အိမ်ထဲမှာ ကလေးတစ်ယောက် "ဟေ့ မောင်ရင် … လာစမ်းမြန်မြန် ဟိုဟာက ဘယ်လိုဖြစ်တာတုံး"

"သမီးမိန်းကလေးမို့လို့ လှောင်အိမ်ထဲထည့်ထားတာလေ ဘာဆန်းလို့လဲ"

"ဟေ"

"အဘတို့ခေတ်ထဲက သက်ငယ်မုဒိန်းတွေသေဒဏ်ပေး ဘာညာလျှောက်အော်တယ်လေ"

"အင်းလေ … ငါသိတယ်လေ"

"ဆန္ဒတွေပြကြ ဘာကြညာကြ အိယောင်ဝါးလုပ်ကြတယ်လေ"

"အင်းလေ"

"ကျင့်တယ်လေ ကျန်းမာရေးမကောင်းတော့ လွတ်တယ်လေ"

"ဟင်"

"ညှိတယ်လေ လျော်ကြေးပေးတော့ လွတ်တယ်လေ"

"ဟယ်"

"အခု ဘာဥပဒေမှမလိုဘူး။ သူတို့ဘာသာ သေဒဏ်ပေးချင်ပေး မပေးချင်နေ၊ မိန်းကလေးမှန်သမျှ ၁၈ နှစ်မပြည့်မချင်း လှောင်အိမ်ထဲမှာပဲမွေးတယ်"

"ဟင် … သြော်"

ကောင်းလေစွ … လုံခြုံပေစွ။

ဟုတ်ပ … ဒါ့ထက် စိတ်ချရတာ ဘာရှိအုံးမလ။ဲ

ကျူပ်တို့ခေတ်တုန်းကများ သေဒဏ်ပေးပါဘာညာ ဖင်ကုန်းပြီးအော်တယ်။

ဖင်ပြဲတာပဲအဖတ်တင်တယ်။

အခုခေတ် မိဘတွေများ တယ်ဉာဏ်ကောင်းသကိုး။

"အိမ်း … လူကြီးလာရင်တော့ လှောင်အိမ်ကြီးကြီးလိုမှာပဲ"

"ဒုန်း ………"

"အား လား လား …"

ကြည့်လိုက်တော့ ညို့သကျည်းကို ခြေတွန်းလှည်းနဲ့ ကလေးတစ်ယောက်

ဝင်တိုက်တာ။

ပလက်ဖောင်းပေါ်မှာ ခြေတွန်းလှည်းနဲ့ ကလေးတွေအများကြီး။ ကျုပ်လိုပဲအ

တိုက်ခံရတဲ့ လူတွေလဲ ရှိတယ်။

ဒါပေမဲ့ မထူးဆန်းတော့သလိုပဲ ကိုယ့်လမ်းကိုယ်ဆက်သွားနေကြတယ်။

"ဟ … ဘာလေးတွေတုံးဟ"

"အဲ့ဒါကျ ကလေးအထီးပေါက်စနလေးတွေ Drift ဆွဲနေတာလေ အဘရ"

"ဟေ"

"ဒီမှာက အသက်မပြည့်လဲ Drift ဆွဲလို့ရတယ်၊ ဒါတောင် လမ်းမလျှောက် တတ်သေးလို့နော် ဟော … ဟိုမှာ လမ်းလျှောက်တတ်ခါစကလေးတွေ ကားတွေနဲ့ ဗျင်းလာကြပြီ "

"ဟယ် ပြေး ပြေးရမှာလား ဟင်"

"ဝပ်"

လူတွေလဲ ဓာတ်တိုင်အနောက်တွေ ပြေးကပ်ကုန်ကြတယ်။

"ဟယ် … တိုင် တိုင်မကျန်တော့ဘူး"

သြော် … ကြီးကောင်ကြီးမားနဲ့ တိုင်လုတမ်းကစားနေရသလို။

"အဘ မြန်မြန် … တိုင်မကျန်ရင် မြောင်းထဲဆင်းပြေး"

"ဇွတ် …"

"ဟာ … ချော်ပဟ "

ရောက်ရောက်ချင်း ဆောက်နဲ့ထွင်း ဆိုသလိုပဲ။

ညို့သကျည်း အတိုက်ခံရတယ် အခု မြောင်းနှုတ်ခမ်းပေါ်ဖင်ထိုင်လဲတယ်။

ဟို မိမဆုံးဖမဆုံးမသားလေးတွေက drift ဆွဲလို့ဝတော့ ပြန်ကုန်ကြတယ်။

"အဘ ရရဲ့လား"

"ရတယ် … ငါ့အိမ်ကိုသာ မြန်မြန်ပို့ပါတော့ကွာ"

အိမ်ရောက်မှ ကျုပ်သက်ပြင်းချနိုင်တော့တယ်။

မြန်မာနိုင်ငံကိုချစ်လို့ လွမ်းလို့ပြန်လာတယ်။

အခုချိန်အထိ ဟိုတုန်းကမြန်မာနိုင်ငံကို ပြန်ရှာမတွေ့သေး။

"အလွမ်းမပြေလိုက်တာကွာ … တောက်"

သင်္ကြန်ဆိုတာလဲမရှိ၊ ဆေးရောင်တွေနဲ့ အရုပ်တွေနဲ့ပွဲတွေပဲရှိတယ်။

ဒါလားမြန်မာ သက်ငယ်မုဒိန်းကောင်တွေကိုကြောက်လို့ သမီးမိန်းကလေးတွေ လှောင်အိမ်နဲ့ ၁၈ နှစ်နေရတယ်။

ဒါထောင်သက်နဲ့တွက်ရင် နှစ်ကြီးပဲ ကျူးလွန်သူကို ထောင်ချမရတော့ အကျူးလွန်မခံရအောင် ကိုယ်ပိုင်ထောင်

ထဲဝင်နေရတဲ့ ခေတ်။

ဒါလားမြန်မာ ကလေးပေါက်စနတွေကအစ ကားတွေကော ခြေတွန်းလှည်းတွေပါ ပရမ်းပတာမောင်းတဲ့ခေတ် ဒါလား မြန်မာ။

"တောက် … အခုထိ အလွမ်းပြေစရာ တစ်ကွက်မှမတွေ့သေးဘူး၊ ကိုယ့်ကိုယ်ကို မြန်မာပြည် ပြန်ရောက်နေတယ် ဆိုတာတောင် ယုံရခက်ခက် …"

"ဖလပ်"

"ဟာ"

ရုတ်တရက် မီးပြတ်သွားတာ ဘယ်ကြည့်ကြည့်မှောင်မည်း။ ကျုပ် အမှောင်ထဲမှာ မျက်ရည်ဝိုင်းသွားတယ်။ ဝမ်းသာလို့ကျတဲ့မျက်ရည် … နောက် ရင်ခေါင်းသံ ကြီးနဲ့ ကျုံးအော်တော့တာပဲ။

"ဝေး ဟေး ဟေး ဟေး … ဒါပဲ … အဲ့ဒါ မြန်မာ အဲ့ဒါမှ ငါတို့ခေတ်ကမြန်မာစစ်

စစ် အခုမှအလွမ်းပြေတော့တယ်။

အို … ဘာတဲ့  ယောကျာ်းဘသား အမှောင်ထဲအောင်ပွဲခံ နောက်တစ်ခါ မှောင်ပြန်ပြီတဲ့ဟေ့ ဟေ … ဟေ … ဝါး"

ပျော်လိုက်တာမှ ပြဲလို့ ။ ။