လုံခြုံရေးထဘီ

အရက်ဆိုင်ထဲက လူတော်တော်များများ TV က လာနေတဲ့ short movie ကို စိတ်ဝင်တစားကြည့်နေတယ်။ ရိုက်ပြထားတာက အာဖရိကတောအုပ်တစ်နေရာ … စစ်သားတစ်ယောက် အပေါ့စွန့်နေတယ်၊ ဒါကို ချင်ပန်ဇီမျောက်မက ကိုယ်လုံးတီးနဲ့မြှူဆွယ်တယ်။ ရင်ဘတ်နဲ့တင်ပါးနေရာပဲချန်ထားပြီး တစ်ကိုယ်လုံးမှာရှိသမျှအမွေးတွေကို ရိတ်ထား တယ်။  မသိရင် ဘစ်ကီနီလိုလို … နောက်ဆုံး မျောက်မခမျာ စစ်သားဒချိတာခံလိုက်ရတယ်။ စစ်သားလဲ HIV ကူးတယ်၊

လူသားမျိုးနွယ်တွေကြား AIDS ဆိုတာကြီးရောက်လာတယ်။  နောက်တစ်ဆင်းန်မှာကျ နည်းနည်းကွဲတယ်။ မျောက်မကထဘီနဲ့ ရင်ဖုံးဝတ်ထားတယ်။ သေးပေါက်နေတဲ့စစ်သား အရှေ့ကနေ ဣနြေ္ဒလေးနဲ့ဖင်လေးယမ်းပြီး လျှောက်သွားတယ်၊ စစ်သားလိုက် ကြည့်တယ် "ကျက်သရေရှိလိုက်တာ မျောက်မရယ်" ဒါပဲ … သေးပေါက်လဲ မပြတ်ဘူး၊ ဒချိလဲ မဒချိဘူး။ ပညာပေး ဇာတ်လမ်းလေးပြီးတော့ ဆိုင်ထဲကလူတွေရဲ့ တစ်ယောက်တစ်ပေါက် အသံက တီးတိုးတီးတိုးကနေ တဖြည်းဖြည်းကျယ်လာတယ်။ "ဒါပဲလေ ထဘီနဲ့ဆို မျောက်တောင်ကျက်သရေရှိတယ်" "ဒီမျောက်မသာ တကယ်ထဘီဝတ်ခဲ့ရင်ခုချိန် ကျုပ်တို့လူသားတွေကြား AIDS ဆိုတာရှိလာမှာတောင်မဟုတ်ဘူး" "ဟုတ်ပဗျာ … ဒါ စစ်သားအလွန်မဟုတ်ဘူး၊ မျောက်အပြစ်။ သူတို့စကားသံတွေ ကြောင့် ကျုပ်တော်တော်စိတ်ညစ်သွားတယ်။

ဒီလို အတွေးအခေါ်နဲ့ လူမျိုးတွေ ရှိနေလို့ ထဘီတွေမတရားဈေးမြောက်ကုန်တာ…… ရွှေတစ်ကျပ်သား သိန်းရှစ်ဆယ်ပေးရတဲ့ခေတ်မှာ ထဘီတစ်ကွင်းရဲ့တန်ဖိုးက  သိန်းငါးဆယ်ကနေ သိန်းတစ်ရာကြားရှိတယ်။  အမျိုးသမီးတစ်ဦးမှာ ပျမ်းမျှထဘီတစ်ထည်ပဲရှိတယ်။  ထဘီဟာမှုခင်းရန် ကာကွယ်တဲ့ ချပ်ဝတ်တန်ဆာဖြစ်လာတယ်။ ထဘီဟာ ကြွားဝါစရာဇိမ်ခံပစ္စည်း တစ်မျိုးလဲဖြစ်လာတယ်။ အဘွားတို့ခေတ်တုန်းကတော့ ထဘီဝတ်တဲ့အမျိုးသမီးတွေရှိကြသလို ဘောင်းဘီတိုရှည်၊ စကပ်ဂါဝန်တွေလဲဝတ်ကြသတဲ့။ ထဘီကို ဘုရားကျောင်းကန်၊ အလှူမင်္ဂလာနဲ့ တက္ကသိုလ်ကျောင်းတွေသွားရင်တော့ ထုတ်ဝတ်တတ်ကြတယ်လို့တော့ အဘွားပြောဖူးတယ်။ 

အဲ့သည်တုန်းက ထဘီဟာ မှုခင်းရန်ကကာတဲ့ချပ်ဝတ်တန်ဆာမဟုတ်ဘူး၊ ဇိမ်ခံပစ္စည်းလဲမဟုတ်ဘူး။ ထဘီဟာ မြန်မာ့ယဉ်ကျေးမှု အဝတ်အထည်သက်သက်။

ကလင် … ကလင် … ကလင် …  "ဟဲလို…" "ကိုကို… သဲကိုထဘီအသစ်လက်ဆောင်ပေးမယ်ဆို .. သဲ ထဘီကဟောင်းလာတော့ security တွေကျလာပြီ။ တော်ကြာမတော်တရော် အပြုခံရရင် ကိုကိုကြောင့်ပဲ…" "သြော်…" တကယ်တော့

သူ့ထဘီက ဘာမှမဖြစ်သေး ဒါပေမဲ့လဲ သိတယ်မလား … နောက်ဆုံးထွက် Latest ထဘီကိုမှဝတ်ချင်တာ။ ပြီးရင် ဓာတ်ပုံရိုက် ဖေ့စ်ဘုတ်ပေါ်တင်ပြီး "Finally I got it …" ဆိုပြီး အရှက်မရှိ တက်ကြွားအုံးမှာ၊ ထဘီဈေးတွေစဉ်းစားကြည့်တော့လဲ ချွေးတွေပြန်လာတယ်။

သူလိုချင်တာက မြန်မာမိတ်ထဘီ မဟုတ်ဘူး။ "အိမ်း … ထဘီဆိုတာ မြန်မာ့ယဉ်ကျေးမှုလို့ပြောကြတယ်။ ဒါပေမဲ့ ဝယ်ဝတ်ကြတော့ အင်ဒိုနီးရှားမိတ်၊ ထိုင်းမိတ်တွေ သြော် … ငါမူးနေပြီပဲ…" လက်ကျန်ခွက်ကိုမော့လိုက်တယ်။ "ရှင်းမယ်ဟေ့…" TV က ထဘီကြော်ငြာတစ်ခုက လာနေတုန်း…… မိုးတွေအုံ့ဆိုင်းနေတယ်၊ တိုက်ကြိုတိုက်ကြားမှာ မုဒိမ်းကောင်နဲ့ မင်းသမီး၊ မုဒိမ်းကောင်က အရှေ့ကိုတိုးလာတယ်။ မင်းသမီးဝတ်ထားတဲ့ ထဘီချွတ်ပြီး မုဒိမ်းကောင်ရဲ့မျက်နှာပေါ်ကို လွှားခနဲပစ်တင်လိုက်တယ်။

မုဒိမ်းကောင် အိုက်တင်ချိန်းသွားတယ်၊ မုန်ယိုနေသလိုဖြစ်နေတဲ့မျက်နှာ ကြည်လင်လာတယ်။ ကောင်းကင်ကြီး ပြန်လင်းလာတယ်။ "တော်သေးတာပေါ့ဗျာ … ကျွန်တော်မှားတော့မလို့" တဲ့။

ပြီးတော့ … ယောက်ျားသားတို့၏တဏှာရာဂကိုချုပ်ငြိမ်းစေတာ ထဘီပါဆိုတဲ့စာတန်းက ဘာမဆိုင် ညာမဆိုင်ထိုးလိုက်သေးတယ် "သြော် … ဘာဆိုင်လို့လဲကွယ်" လမ်းမပေါ်ရောက်တဲ့အထိ ဘယ်သွားရမယ်မှန်းမသိသေးဘူး "ထဘီ … ထဘီ …" ထဘီဆိုင်တွေကတော့ အများကြီးပေါ့ ..  တချို့ကလဲ promotionတွေပေးတယ်၊ တချို့ကျတော့လဲ ထဘီတစ်ကွင်းဝယ် အိတ်တို့ ထီးတို့ပါ လက်ဆောင်ပေးတယ်။ "ထဘီခိုးလိုက်ရ ကောင်းမလား" အောင်မာ … ထဘီသူခိုးဆိုပြီး အထင်မသေးနဲ့နော်။ ဟိုးအရင်ခေတ်လို မဟုတ်ဘူး၊ ထဘီတစ်ကွင်းခိုးပြီးရင် ခြောက်လလောက်ထိုင်စားလို့ ရတယ် "second hand ထဲကဝယ်ရင်ကောင်းမလား" ဒါလဲမဖြစ်သေးဘူး၊ သူများဝတ်ပြီးသားဆိုရင် ဟိုငတိမက ဂဂျီဂဂျောင်လုပ်အုံးမယ်။ "အသစ်ပဲဝယ်ပေးလိုက်ပါတော့မယ်လေ"  ဆုံးဖြတ်ပြီးတာနဲ့ ထဘီဆိုင်တစ်ဆိုင်ထဲ ချိုးဝင် လိုက်တယ်၊ ရှိုးကေ့စ်ပေါ်မှာတင်ထားတဲ့ ထဘီတွေကို အသားကိုင်ကြည့်တယ် … "ဟ … မာလှချည်လား အသားက" "မင်္ဂလာပါအစ်ကို .. ထဘီဝယ်မလို့လား …" "ဟုတ်တယ် … ဒါ ဒါတွေက"

"သြော် … မိုလောင်းထားတာပါ၊ ထဘီအစစ်တွေ မဟုတ်ဘူး" "ဟယ်"

"ပြောရတာ မဟုတ်ဘူးလေ .. ခိုးသွားဘယ့်နှယ့်လုပ်မလဲ ဟော … အခုလိုလုပ်ထားလိုက်တော့ ခိုးလို့မရတော့ဘူးပေါ့ ကဲ …အခု ခင်ဗျားထဘီခိုးလို့ရလားပြော" "ဟင့်အင်း" "အဲ့ဒါပဲလေ …ခိုးမရတော့ ဝယ်ရပြီလေ" "ဟင် … သြော်""ကဲပြော … အခုဆိုင်ထဲဝင်လာတာ ခိုးမလို့လား၊ ဝယ်မလို့လား" "ဝယ်ပဲဝယ်လိုက်တော့မယ်လေနော်" "ဘယ်လောက်သုံး မလဲ" "ကောင်မလေးကို လက်ဆောင်ပေးမလို့ .. Security မြင့်မြင့်လေးထဲက ပြပေး" "တစ်ကတ်သုံးလား နှစ်ကတ်သုံးလား" "ဟမ် … ဘာရယ်" "ခင်ဗျားတော်တော်ပိန်းတာပဲ။ အခု နောက်ထွက်တဲ့ထဘီတွေအကုန်လုံး sim card ထည့်ပြီး ဖုန်းပြောလို့ရတယ်ဗျ" "ဟယ်""မုဒိမ်းကောင်နဲ့တွေ့ပါပြီတဲ့၊ အိတ်ကို ဖွင့်ပါအုံးဟဲ့၊ ဖုန်းကိုထုတ်ပါအုံးဟဲ့ လုပ်နေစရာကိုမလိုတော့တာ၊ ထဘီကိုဘတ်ဘတ် ဘတ် ပုတ်လိုက်၊ emergencycall ဝင်ပြီး ရဲစခန်းကော၊ မီးသတ်ကော၊ဆေးရုံကြီးကော၊ အမျိုးသမီးရေးရာကော ထဘီတည်နေရာကို သိပြီ" "ညှယ်" "ပြောတစ်ကတ်လား နှစ်ကတ်လား" "နှစ် …နှစ်ကတ်" "အင်ဒိုမိတ်ထဲမှာဆို ဓားကြီးရှိမယ်၊ ဆေးရေးရှိမယ်။ ပစ္စည်း ကွာလတီအာမခံတယ်၊ အာမခံကာလအတွင်း တစ်ခုခုဖြစ်ရင် ချက်ချင်းလာပြန်ပြော …ထဘီဆားဗစ်စင်တာမှာပြင်ပေးတယ်။ ပြင်မရရင် တစ်ကွင်းအသစ်လဲပေးတယ်"

"ဟင့်အင်း … အဲ့လောက်တန်မဟုတ်ဘူး

.. ထိုင်းမိတ်ထဲကပဲပြ…" "ပန်းသီးပဲရှိမယ်၊ အဆင် မလှဘူးနော် ဇောင်းတွေ…" "ကောင်းလား" "အကြာကြီးဝတ်ထားရင် ပူတယ်" "အယ်" "လက်ဗွေစနစ်ပါတယ်ဗျာ …" "အဲ့ … အဲ့ဒါက ဘာလဲဟင်" "ထဘီပိုင်ရှင်ရဲ့ လက်ဗွေနှိပ်မှ ထဘီပွင့်တာ" "ဟင်… သြော်" မျက်လုံးထဲပုံဖော်ကြည့်မိတယ်၊   မသမာသူနဲ့ တွေ့လဲကြောက်စရာသိပ်မလိုတော့ဘူး၊ လုပ်ချင်တာလုပ်စမ်းပါစေ လက်မကို ချိုင်းကြားညှပ်ပြီး ခပ်တည်တည်လက်ပိုက်နေလိုက်ရုံပဲ။ မသမာသူ ထဘီကို ဘယ်လိုမှချွတ်လို့ရမှာမဟုတ်ဘူး လက်မသာမပါစေနဲ့၊ဘာမှမဖြစ်ဘူး အဲ့ဒါမှစိတ်မချရင်လဲ လက်ဗွေကို ကိုယ့်လက်မ မထည့်နဲ့ ကိုယ့်အုပ်ထိန်းသူ မိဘတစ်ယောက်ယောက်ရဲ့ လက်မကိုထည့်ထား၊ ပိုတောင်စိတ်ချရသေးတယ် အပေါ့အပါးသွားခါနီးရင်တော့ "အမေရေ အဖေရေသမီးရေအိမ်ဝင်မလို့ လက်မလေးပလိစ်

…" အင်း … နည်းနည်းတော့ ရုပ်ပျက်တာပေါ့ " ကြိုမှာထားမယ်နော် … ထဘီကို ဝတ်ထားပြီး အားမသွင်းနဲ့" "သြော် …ဘက်ထရီနဲ့ကိုး" "ကဲ … ယူမှာမလား .. ပေး ၇၅ သိန်း" ငှယ် … သေပြီ။ အိတ်ထဲမှာက သိန်း ၇၀ ပဲပါလာတာ "ရော့ သိန်း ၇၀ …" "ငါးသိန်းကော" "ရော့ ငါ့အိုင်ဖုန်းယူ" "ဟ … ရမလားဗျ .. ထဘီဝယ်တာကို ဘာမဟုတ်တဲ့ အိုင်ဖုန်းနဲ့လာလဲနေတယ်…" "ငါ့ဟာလဲ ပန်းသီးပါပဲကွာ""တူမလား ခင်ဗျားပန်းသီးကအပဲ့" "လုပ်ပါကွာ … ဒါလေးယူလိုက်ပါ .. ငါ့ကီးပတ်ပဲပြန်ပေး" "ဘာမှပြန်မပေးဘူး" "ဟယ် …ငါက ဘာနဲ့သွားပြောရမှာလဲ" "အဲ့ဒါကျုပ်ကိစ္စမဟုတ်ဘူး၊ ဒီမှာခင်ဗျားဆင်းကတ် .. ထဘီထဲထည့်ပေးလိုက်ပြီ" "အုမ်" ဘယ်တတ်နိုင်မလဲလေ … သူ့ဘက်ကကြည့်တော့လဲ ထဘီအကောင်းစားကြီးကို ဘာမဟုတ်တဲ့ အိုင်ဖုန်းနဲ့လာလဲနေတော့ နည်းနည်းတော့ဘုမှာပေါ့။

ဆိုင်ထဲက ပြန်ထွက်လာတဲ့အချိန်မှာပဲ ငတိမ ဖုန်းဆက်လာတယ် "ကိုကို … ထဘီရလား" "ရတယ် " "ဘာ ဘရန်းလဲ" "ပန်းသီး … ပိုက်ဆံမလောက်လို့ ကိုကို့အိုင်ဖုန်းကိုပေးခဲ့ရတယ်။ အခုထဘီထဲ ဆင်းကတ်ထည့်ပြီး ပြောနေတာ" တစ်ဖက်ကငတိမ အသံတိတ်ကျသွားတယ်၊ သူ့ခမျာ တော်တော်လေးစိတ်ထိခိုက်သွားရှာမှာပေါ့။ ကိုယ့်မှာသာ ထဘီကြီး နားရွက်နားကပ်ပြီး စိတ်မကောင်းမဖြစ် ဖို့ စကားစလိုက်တာပေါ့ "သဲ … ""လိုင်းဆွဲအားကောင်းလိုက်တာ ကိုကိုရယ်.. အသံကို ကြည်လင်နေတာပဲ" "ညှယ်" တစ်ဖက်မှာ ထဘီအသစ်ရလို့ ဝမ်းသာလုံးဆို့နေတဲ့ လူတစ်ယောက်၊ တစ်ဖက်မှာက ထဘီခြုံထဲခေါင်းကြီးထည့်ပြီးကြောင်ကရော့ဖြစ်နေတဲ့ ဖုန်းလက်မဲ့ လူတစ်ယောက်၊ လမ်းတစ်ဖက်တစ်ချက် စီမှာက ကြော်ငြာဆိုင်းဘုတ်တွေ အစီအရီ၊ မုဒိမ်းမှုတွေပပျောက်ဖို့ ထဘီခြုံကြစို့တဲ့ ကျုပ်မှာတော့ ထဘီကြီးခြုံပြီး ဦးတည်ရာမဲ့ …။

ဇေယျာ