ပိုလာ

တိရစ္ဆာန်တွေဆို မချစ်လို့ မွေးကို မမွေးတာ...

ငွေကုန်လူပန်းအလုပ် … ခွေးမွေးတယ်ဆိုပါစို့။

စရိတ်ကကြီးမယ် ကာကွယ်ဆေးတွေနဲ့တင် တော်တော်ကုန်မှာ။

ကြောင်ကျတော့လည်း အိမ်ကပ်တာ မဟုတ်ဘူးရယ်။ ကပ်တဲ့အချိန်ကျ အုပ်ဆောင်းလှန်ပြီး သောင်းကျန်းပြီပဲ။

ဒါကြောင့် ဘာအကောင်မှမမွေးဘူး။

တစ်ရက် လှည်းတန်းဘက်ရောက်တော့ ဦးထွန်းလင်းခြံလမ်းထဲဝင်ဖြစ်တယ်။

"လာနော် လာ … ကြိုက်တာရွေးယူလို့ရတယ်"

ဘာလဲပေါ့ …

ကြည့်လိုက်တော့ ယုန်ပေါက်တွေကို ခြင်းထဲထည့်ပြီး အော်ရောင်းနေတာ။ ဘာရယ်တော့မဟုတ်ပါဘူး။ နည်းနည်း စိတ်ဝင်စားသွားတော့ သွားစပ်စုကြည့်မိတယ်။

"ဟာ အစ်ကိုကြီး ဘယ်အကောင်ယူမလဲရွေး"

"တစ်ဆယ်သားပေး"

"မဟုတ်ဘူးခင်ဗျ တစ်ကောင်ရှစ်ထောင်နှုန်းနဲ့ရောင်းတာ"

"ဟင် … သြော်"

ဈေးတော့ကြီးသား။

"တစ်ကောင်အရင်ပေးကွာ … တစ်ခါတည်း အမွေးနုတ်ပေးလိုက်"

"ဘာဗျ …ဒါ စားဖို့မဟုတ်ဘူး၊ မွေးဖို့ ရောင်းတာဗျ"

"ဟယ်"

ဘေးနားကလူတွေ ပေစောင်းပေ စောင်းကြည့်ကုန်တယ်။

"ယုန်ဆိုတော့ မြည်းရမယ်ပဲ… အယ် ဟုတ်ပေါင် စားရမယ်ပဲမှတ်တာ ဟိ"

"ဘာ …ဒီမှာ ဟေ့လူ … ဒါ အသားငါးတန်း မဟုတ်ဘူး။ ဒီလမ်းထဲမှာ သစ်သီးဆိုင်လဲ ရှိတယ်၊ ဖိနပ်ဆိုင်လဲရှိတယ်၊ မြောင်းထဲမှာဆို မစင်ပုံတောင်ရှိတယ်။ ခင်ဗျားမြင်သမျှ စားစရာမှတ်မနေနဲ့"

"အုမ်"

"ဒါ ခင်ဗျားမြည်းနေကျ တောယုန် မဟုတ်ဘူး"

"တိုးတိုးပြောပါကွာ"

"ရှားပါးမျိုးစိတ်တွေဗျ …"

"အန် … ယုန်မဟုတ်လို့ ဒီနားရွက်ထောင်ထောင် အကောင်တွေက ကင်းလိပ်ချောလား"

"ထွီ … စားဖို့လောက်ပဲသိတဲ့ ဦးနှောက်"

"အု"

"ဒါ ပိုလာ ဗျ"

"ဘာရယ်"

"ယုန်မဟုတ်ဘူး ပိုလာ"

"သြော်"

"ဒီထက် ထပ်မကြီးတော့ဘူး၊ ဒီလက်တစ်ဆုပ်က ဂိတ်ဆုံးပဲ"

ထူးဆန်းပါပေ့။

"အကြမ်းပတမ်းလဲခံတယ်ဗျာ။ ယုန်တွေလိုမနုဘူး"

"ဟုတ်လား … ဘာကျွေးရတုံး …"

"ဘာမွကို မေကြ်းရတာ"

"ဟင် ဘယ်လို … "

"သြော် ဘာမှကျွေးစရာမလိုဘူးဆိုနေ"

"ဟုတ်လို့လားကွာ"

"မယုံနေ …ဒါ မျိုးစိတ်အသစ် …"

ဘာမှမကျွေးရတဲ့အကောင်ဆိုတော့ မွေးကြည့်ချင်သား။

"တစ်ကောင်ပေးကွာ"

အထီးပဲပေး … ဒါနဲ့ ဘာကောင် အန်ဒါဂွန်နာ နော်"

"ခွီး … ပိုလာဗျ "

"သြော်အေး ဟုတ်သား ပိုလာ  ပိုလာ  ပိုလာ"

အဲ့သလိုနဲ့ ပိုလာဆိုတဲ့အကောင်ကို အိမ်မှာမွေးဖြစ်သွားတယ်ပေါ့ဗျ။ ခေါ်လာခါစကတော့ ငြိမ်ပြီးမှိန်းနေတာ (ဘာမီတွန်တိုက်ထားတယ်ထင်ပါ့) နောက်တစ်ရက်ကျတော့ ခုန်ဆွ ခုန်ဆွနဲ့ လျှောက်ပြေးကော။

"ဟယ် ယုန် .… ယုန်လိုခုန်တယ်"

တကယ်ကို ဘာမှမကျွေးရတာ၊ သူ့ဘာသာခိုးစားတယ်လေ။ အကောင်ကြီး လာလေ ယုန်နဲ့ပိုတူလာလေပဲ။

"အို မဖြစ်နိုင်ပါဘူး ငါဝယ်လာတာ ပိုလာပဲဟာ"

အိမ်လည်း ရပ်ကွက်ထဲကချာတိတ်တွေ၊ ကလေးတွေနဲ့ စည်ကားဆူညံနေတော့တာပဲ။

"ဦးယေး ဒါဘာကောင်ယေးယဲ"

"ပိုလာ ခေါ်တယ်ကွ"

"ခစ် ခစ် … ပိုလာဆိုတာ ဝက်ဝံပဲရှိရယ် ယုန်ကို ပိုလာတဲ့ ခစ် ခစ်"

"ဟင် … မဟုတ်ပါဘူး ဒါပိုလာကွ ဘာမှလဲမသိဘဲနဲ့  ငါ့ဆရာလာလုပ်နေတယ်၊ သွား သွား အိမ်ပြန်တော့ အခုချက်ချင်း"

ကိုယ်တိုင်လည်း ဘာအကောင်မွေးထားလို့ မွေးထားမှန်းမသိ။ ရုပ်ကြည့်တော့ ယုန် ဒါပေမဲ့ ပိုလာဆို။

"ယုန်ဆိုရင်တော့ ခက်ပြီ"

လင်ယူသားမွေးတွေလာတော့မှာ၊ အို ငါမွေးထားတာ အထီးပဲဟာ"

ကလေးအမေတွေကလည်း သူတို့ကလေးတွေချီပြီး လာကြတယ်။

"ကိုဇေယျာ တံခါးခဏဖွင့်ပါအုံး။

ကလေးထမင်းကျွေးချင်လို့"

"ဟင်  သြော် အေး အေး လာပြီ"

"ကဲ သားသား မန်းမန်းစားရမယ်နော်၊

ဟိုမှာ ယုန် အယ်ဆောရီးမှားလို့ ပိုလာလေးတွေ့လား ချစ်စရာလေး"

"စားချင်ဝူး စားချင်ဝူး ဟင်အင်း စားချင်ဝူး"

"ဦးဇေယျာကြီး ကိုက်လိမ့်မယ်နော်"

"အယ်"

"မစားဘူးလား ဦးဇေယျာကြီးကို ကိုက်ခိုင်းလိုက်ရမလား ဟမ့်"

ကလေးခြောက်တဲ့ပုံကလည်းကြည့်အုံး၊ ဖမ်းခေါ်သွားခိုင်းလိုက်မယ်လည်း မဟုတ်ဘူး။

အဲ့သလိုနဲ့ ကျုပ်ပိုလာကိုကြည့်လိုက် စားလိုက်၊ မစားရင် ကျုပ်ကမာန်ဖီပြပေးလိုက် စားလိုက်နဲ့ တိရစ္ဆာန်ရုံကြီးကို ဖြစ်လို့။

တခြားရပ်ကွက်ကလူတွေတောင် ကျုပ်အိမ်ကပိုလာကို စိတ်ဝင်စားကြတယ်။

"ဇေယျာရေ့  …"

"ဗျာ … လာပြီ"

ရပ်ကွက်ဥက္ကဋ္ဌနဲ့ လူစိမ်းနှစ်ယောက်။

"ဒီက ဆရာတွေက မင့်အကောင်ကို ကြည့်ချင်လို့ လိုက်လာတာ"

"ဒီမှာပါ ခင်ဗျ"

"သြော်  ယုန်ပဲ"

စိတ်ထဲ ပြန်ပြောလိုက်ချင်ပေမယ့် အောင့်ထားလိုက်တယ်။

"ယုန်မဟုတ်ဘူး ကိုမြင့်မောင်ရ၊ အဲ့ဒါ မျိုးစိတ်အသစ်၊ ဈေးလဲကြီးတယ် အကောင်ပေါက်တင် တစ်သောင်းလောက် ရှိတယ်"

ဒီ တစ်ယောက်ကတော့ ဗဟုသုတကြွယ်ပုံရတယ်။

"မှတ်ထား အဲ့ဒါ ပရိုဘောက်လို့ခေါ်တယ်"

"ငှယ်"

သူက ပိုဆိုးနေတယ် … လခွမ်း။

"လှည်းတန်းမှာ အော်ရောင်းတယ်လေဗျာ။ ကျုပ်က ခဏခဏ အဲ့သည် ဘက်ရောက်တော့ သိနေတာ"

သြော် … ပိုလာနဲ့ ပရိုဘောက်ကို မှားကြားတဲ့ ဗဟုသုတကြွယ်ဝသူကြီး။

"ဒီမျိုးစိတ်ကရှားတယ်ဗျ၊ ကိုမြင့်မောင်ရ …"

"နို့ ဘာနဲ့မျိုးစပ်တာမို့လဲဗျ"

"ဒိုဘာမင်နဲ့ တိုက်တန်းနစ်ကို စပ်ထားတာ"

ဂစ် ……… ကားတွေကော၊ ခွေးတွေကော၊ သင်္ဘောတွေကော ရုပ်တည်နဲ့ကို လှိမ့်တာ။ ကိုမြင့်မောင်ဆိုတဲ့ လူကလည်း ယုံတယ်။

ဒီကြားထဲ ဥက္ကဋ္ဌက ထပေါက်သေးတယ်။

"ဟုတ်တယ်၊ ဟုတ်တယ် ဒီကောင်တွေက ဒိုင်နိုဆောမျိုးစိတ်ဝင်လေ"

သြော် … ငါမွေးထားတာ ဒိုင်နိုဆောမျိုးပါလား …အဲ့သလိုနဲ့ ယုန်မျက်ခွက်နဲ့ ကျုပ်အကောင်ဟာ ရပ်ကွက်ထဲမှာတော့ စူပါစတားပေါ့။ ယုန်လိုလို၊ ခွေးလိုလို၊ ဒိုင်နိုဆောလိုလိုနဲ့ ဘာမှန်းမသိဘဲ နာမည်တွေကြီးနေတာ။

တစ်ရက်ကျတော့ အဲ့ကောင် ဖျားပါလေရော။ ကျုပ်မှာလည်း လူဆေးခန်းပဲ သွားဖူးတော့ ဘယ်နားတိရစ္ဆာန်ဆေးခန်း ရှိမှန်းလဲမသိ။

"ပါရာပဲ တိုက်ထားရကောင်းမလား"

အို ဘာဖြစ်မှန်းမသိ၊ အနာနဲ့ဆေးလွဲနေမှဖြင့်"

နောက်ဆုံး ရွှေဂုံတိုင်ကတိရစ္ဆာန် ဆေးခန်းတစ်ခုကို မျက်စိလည်လည်နဲ့ပဲ ရောက်သွားတယ်။ လာပြကြတဲ့အထဲမှာ ခွေးတွေအများဆုံးပဲ။ ကြောင်တွေပါ ပါတယ်။

ဆရာဝန်အကူက ကျုပ်ကိုလာမေးတယ်။

"နာမည်ပြော"

"ဇေယျာဝင်း"

"အသက်"

"၂၃"

"ဟင် … ရှင့်ကိုမေးနေတာ မဟုတ်ဘူး။ ရှင့်ဟာလေးကို မေးနေတာ"

"ဟင် သြော်"

ခက်ပြီ … နာမည်ကလည်း မရှိ၊ အသက်လည်းမမှတ်ထား၊ မတတ်နိုင်ဘူး ဖြီးရမှာပဲ။

"အသက်က တစ်နှစ် နာမည်က … အင်း … နာမည်က…"

"………………………"

"သိပြီ … ဦးထွန်းလင်း"

"ဟယ်"

မတတ်နိုင်ဘူး၊ ဦးထွန်းလင်းခြံလမ်းက ဝယ်ခဲ့တာဆိုတော့ ဒီနာမည်က မှတ်ရ အလွယ်ဆုံးပဲ။

"ဦးထွန်းလင်း ရှိလား"

"ရှိပါတယ်"

"ခေါ်လာလို့ရပါပြီ"

ဆရာဝန်က ကျုပ်ခြင်းထဲကိုကြည့်ပြီးမေးတယ်။

"ဘာအကောင်လဲ"

"ပိုလာ"

"ဟမ်"

"ဒိုင်နိုဆောနဲ့ အမျိုးတော်တယ်လို့တော့ ပြောတာပဲ"

"ပြစမ်း … ဟင် မင်းဟာက ယုန်ကြီးကို"

"ပိုလာပါဗျ"

"ဘာပိုမှမလာဘူး ယုန်မှ ယုန်အစစ်" 

သြော် နောက်ဆုံးတော့လည်း ဒိုင်နိုဆောကနေ ယုန်ဖြစ်သွားရှာပြီပေါ့။

"ဘာဖြစ်လဲ"

"အစာမစားတာ ဆရာ၊ အရင်ကလောက်လဲ မဆော့တော့ဘူး"

"အဲ့ဒါ လင်လိုချင်နေတာ"

"ဟင် ကျွန်တော့်ဟာက အထီးလေ"

"ဒါဆိုပြ ဘယ်မှာလဲဟိုဥစ္စာ"

ခက်ပြီ … ကိုယ်တွေလဲ တစ်ခါမှ ရှာမကြည့်ဖူးဘူး။

သူ့နေရာမှာ သူတော့ရှိမှာပေါ့လေ၊ ပေါင်ကြားထဲ စမ်းလိုက်တယ်။

"ဟင် ပလိန်းကြီး"

ချိုင်းအောက်တွေများ ရောက်နေသလား။

"ဟယ် မရှိပြန်ဘူး ဟဲ့ကောင် ပါးစပ်ဟစမ်း"

"လုပ်မနေနဲ့ မင်းကောင်က အမ"

"ဘုရား ဘုရား"

"လင်သာပေးစားလိုက် ပြန်ကောင်းသွားမယ်"

"ဂစ်"

အခုတော့ အလုပ်တစ်ခုတိုးလာပြီပေါ့။

ငွေကုန်ပေါက်ဆိုလည်း ဟုတ်တယ်။ 

ဦးထွန်းလင်းခေါ် ဒေါ်ထွန်းလင်းအတွက် လင်ဝယ်ပေးဖို့ လှည်းတန်းဆိုတဲ့ လူရှုပ်ရှုပ်နေရာကြီးကို ထပ်လာခဲ့ရသည် တမုံ့ …။