ဖုန်းအနိစ္စ

ကျုပ် တော်ရုံဆို ဖုန်းအသစ်မလဲတတ်ဘူး။ Data တွေ၊ contact တွေ ရွှေ့ရပြောင်းရတာကို တအားပင်ပန်းတာ… ဒါပေမဲ့အခုက ဖုန်းအသစ်ကို ဝယ်မှဖြစ်တော့မယ့် အနေအထား။

ဖြစ်ပုံကဒီလို … စာမူခလေးတွေနဲ့ စုစပ်ပြီးဝယ်ထားတဲ့ဖုန်းလေး၊ ကျောင်းဝင်းထဲမှာ အသားလွတ်ပျောက်သွားတာက စတာပဲ။

ဖုန်းမရှိတော့ တကယ့်ကို ဟာတာတာကြီးဖြစ်သွားတာ။ မနက်ထဖို့ alarm ပေးစရာလည်းမရှိတော့ဘူး၊ ညမအိပ်ခင် အပျင်းပြေ ကလိစရာ၊ ပွတ်စရာလည်း မရှိတော့ဘူး။ အိမ်သာတက်တာတောင် ဖုန်းမပါတော့ .. အနံ့ကပဲ ပိုနံသလိုလို၊

အခန်းကပဲ ပိုလှောင်သလိုလိုနဲ့ နေမထိ ထိုင်မသာကြီး။

"သြော် … ငါလေးဟာ ဖုန်းမရှိရင် အီးတောင်မပါတတ်တော့ပါလား"

အဲဒီဒုက္ခတွေကြောင့် ကြိတ်မှိတ်ပြီး ဖုန်းအရောင်းဆိုင်ကို ရောက်ခဲ့ရပြီပေါ့။

ဆိုင်ကတော့ အိမ်နားနီးနီးနားနားကပဲဆိုတော့ကာ … အိမ်နေရင်းအဝတ်အစားနဲ့ပဲ ဖြစ်သလိုလေးထွက်ခဲ့တာပေါ့။

ကျုပ်လည်း ဆိုင်အရှေ့ရောက်ကော .. ဆိုင်က ချက်ချင်းကြီးတိတ်ကျသွားတာ။

"ဆိုင်ရှင်တို့ … ဗျို့ဆိုင်ရှင်တို့"

တော်တော်ကြီးကြာမှ ကလေးတစ်ယောက် ပြေးထွက်လာတယ်။

"လူကြီးတွေမရှိဘူး ဦးလေး"

"သြော် … ဟင် … အလှူလာခံတာ မဟုတ်ဘူး။ ကာစတမ်မာဟ ကာစတမ်မာ"

ဒီတော့မှ ဆိုင်ထဲကလူတစ်ယောက် ထွက်လာတယ်၊ သူ့ခမျာ မှန်ပုံးတွေနောက်ဝင်ပုန်းနေရတယ်ထင်ပါ့။

"စိတ်မရှိပါနဲ့ဗျာ … ဒီမှာက အဲ့သလိုပဲ အလှူခံကတအားများတယ်"

"သြော်"

"ကာစတမ်မာလား၊ သူတောင်းစားလားဆိုတာ .. ကျုပ်တို့မှာလဲ ရုပ်ကြည့် ခွဲနေရတဲ့ဘဝ"

"ဟင် … သြော်"

"ဆို … ဘယ်လောက်တန်ကတ်လဲ"

"တယ်လီနော တစ်ထောင်ပဲ .. ဟင်… မဟုတ်ဘူးလေ"

ပါးစပ်ကလည်း ဝယ်နေကျဆို တော့ အလိုလိုထွက်နေတာ။

"ဘေလ်လာဝယ်တာမဟုတ်ဘူး၊ ဟန်းဆက်လာဝယ်တာ ဟိ ဟိ"

ဆိုင်ရှင်ငတိက ကျုပ်ကို ခြေဆုံး ခေါင်းဆုံးကြည့်တယ်။

"ပိုက်ဆံပါလာလား"

"ဟာ … ပါတာပေါ့ ဒီမှာလေ"

ပါလာတဲ့ကျောပိုးအိတ်ကို သူယုံအောင်ဖြဲပြရသေးတယ်။

"အေးဗျာ … စိတ်မရှိနဲ့ အခုခေတ်က အမှုတွေကလဲ ပေါသားဗျ၊ သတိဝီရိယနဲ့နေပါမှ တန်ကာကျတာကလား"

"အင်းပေါ့ … ဟုတ်တာပေါ့"

"ဝတ်ကောင်းစားလှဝတ်ထားပေမဲ့ လုနိုင်ယက်နိုင်တာပဲ"

"အင်းပေါ့"

"ဟော … ခုဆိုကြည့်၊ ရုပ်ကထောင်ထွက်လူသတ်သမားရုပ်ပေမယ့် ငွေထုပ်ပါပိုက်လာတဲ့ ကာစတမ်မာလည်း ဖြစ်ချင်ဖြစ်နေတတ်တာပဲလေ"

"ဟင် … သြော် အင်း အင်းပေါ့လေ"

"ကဲပြော … ဘာအမျိုးအစားထဲက ကြည့်မလဲ"

"တာ့ခ်ျ ဗျာ"

"အင်း"

"ကင်မရာလဲ ခပ်ကောင်းကောင်းပေါ့"

"အင်း"

"ရမ်လေးဘာလေးလဲ ဖိုးဂစ်လောက်ပေါ့"

"သြော် အင်း"

"Android version က 6 ကျော်ရင် ရပါပြီ"

"သြော် 6 က နောက်ဆုံးပဲလေ"

"ခုနစ်သောင်းအောက်ထဲက ဘာရမလဲ"

"ဂဏန်းတွက်စက်တောင် မရဘူး"

"ဂစ်"

"ဘယ့်နှယ်ဗျာ … လိုချင်တော့ အကောင်းစားတွေချည်းပဲ၊ သုံးမယ့်ငွေကချာဂျင်တုံးပဲ ဝယ်လို့ရမယ့်ဟာ … "

"အဲ့ … အဲ့တာဆိုလဲ ညီရာ ဘာဖြစ်ဖြစ်ပြကြည့်ပါ့လား။ ဟီး... ခုနစ်သောင်းအောက်ပေါ့"

"ဒီက စောင့်နေ .. မဝင်လာနဲ့ …"

"မီးပြတ်နေလို့လား"

"မဟုတ်ဘူး၊ ကျုပ်ဆိုင်က လူစိမ်းအဝင်မခံဘူး"

"ဟင် … သြော်"

ကြည့်အုံး … ဖုန်းဆိုင်ဖွင့်ပြီး လူစိမ်းကျအဝင်မခံဘူးတဲ့။

"ကြည့်ချင်တဲ့ဟာ အဲ့သည်ကလှမ်းပြော"

"သြော်"

"ဒီဟာ ကြိုက်လား"

"ဟင့်အင်းသေးတယ် ညီ .. အစ်ကိုက အပြားကြီးကြီးလိုချင်တာ... ဟိုထောင့်ကဟာမျိုး"

"ဒါလား"

"သူ့ဘေးက တစ်ခုကျော်"

"ဒါ"

"ကျော်လိုက်အုံး"

"ဒါ"

"အဲ့ဒါ"

တကယ်ပါဗျာ … ဘယ်နိုင်ငံမှာမှမရှိသေးတဲ့ ဖုန်းဝယ်နည်း၊ လိုချင်တဲ့ဟာကို အဝကနေ လှမ်းအော်ပြောနေရတာ။

"ခင်ဗျား ရွေးတာမဆိုးဘူး၊ ဒါပဲယူ … ထပ်မရွေးနဲ့တော့"

"သြော် … အင်း"

ကဲ … ဘယ်လောက် ဆက်ဆံရေး ပြေပြစ်တဲ့ ဆိုင်လဲ။

"ဒါ တရုတ်ကထုတ်တာ အပေါစားပဲ"

"သြော် ကလုန်းကိုး"

"ခင်ဗျားနဲ့ တန်တယ်၊ ဒါပဲယူ "

"ဟင် … သြော် တစ်တစ်ခွခွပါလားနော်"

"ဒါပေမဲ့ ဒီဖုန်းမှာ .. အားနည်းချက်ကလေးတွေတော့ ရှိတယ်ပေါ့နော်"

"အင်း"

"ဂူဂဲ မရဘူး"

"သြော်"

"ကင်မရာ မကောင်းဘူး"

"အင်း"

"စပီကာက အက်တယ်၊ တစ်ခါတလေ လာတစ်ချက်၊ မလာတစ်ချက်"

"ဟယ်"

"ခင်ဗျားက ဖုန်းကိုတောက်လျှောက်ကြည့်နေမှဖြစ်မှာ ဒါမှ ဖုန်းလာရင် ခင်ဗျားသိမှာလေ"

"သြော် … ပြီးတော့ကော"

"မြန်မာဖောင့်က ယူနီကုတ်ပဲရတယ်"

"ဟယ် … အဲ့တော့"

"ခင်ဗျား အကောင့်ရိုက်ထည့်"

ရိုက်ထည့်လိုက်တော့ အံမယ် လိုင်းဆွဲအားတော့ ကောင်းသားဟ။

"ဒီလိုလေးတွေ ပေါ်နေတာပါပဲ"

"ဟင်"

ကြည့်လိုက်တော့ စာတွေက အပေါင်းတွေကော၊ အနှုတ်တွေကော၊ အတုံးတွေကော အတွန့်တွေကော။

"ဘာတွေ.... ရေးထားတာလဲ ဟင်"

"ဝမ်းချုပ်နေတယ် ဖိုက်တင်းလို့မန့်ပေးသွားတဲ့… ဖွီ"

သူဖတ်တတ်တယ်၊ ကျုပ်မဖတ်တတ်ဘူး။

"ဒါ … ဒါကကော ဟင်"

"ခေး ဒီနေ့ပဲသွေးဆုံးသွားပြီ၊ အောဖန့်တို့ ခေးကိုအရင်လိုချစ်ကြသေးရဲ့လားတဲ့" "ဟာဗျာ … ခင်ဗျားအကောင့်ကလည်း ဘယ်လိုလူတွေလဲဗျာ"

"အေး အေးပါကွာ မဖတ်ပြခိုင်းတော့ပါဘူး"

အဲ့ဒါမှ ဒုက္ခ … မြန်မာစာမရတော့အွန်လိုင်းလည်း တက်လို့မရ၊ စာလည်းရေးလို့မရ တိုင်တော့ပတ်ပြီ … သူ့ဖုန်းကလည်း မကောင်းတာတွေချည်းဘဲ။

"နို့နေပါအုံး … မင့်ဖုန်းက ဘာကောင်းတုံး"

"ဖုန်းပြောလို့ရတယ်လေ"

"ဟင် … သြော်"

"သြော် ကျန်သေးတယ်"

နာမည်ကြီးဟိုဖုန်းတွေမှာပါတဲ့ system တစ်ခု သူ့မှာပါတယ်"

"အေး ပြောစမ်းပါအုံး"

"အားသွင်းရင် ပူတယ်"

"အယ်"

"ဖုန်းပြောရင် ပူတယ်"

"ဟင်"

"ဘာမှမလုပ်ဘဲ ဒီအတိုင်းထားထားရင်တောာ့ ခပ်နွေးနွေးလေးပဲ"

"သြော်"

နောက်ဆုံးတော့ အဲ့သည်ဖုန်းပဲ ကြိတ်မှိတ်ပြီးဝယ်သုံးရတာပေါ့ဗျာ။

ဒါပေမဲ့ သိပ်မကြာဘူး ကျောင်းသားရေးရာက ဆက်သွယ်လာတယ်၊ သူတို့ဆီမှာ ဖုန်းငါးလုံးလောက်ရောက်နေတယ်တဲ့။

ဘာပြောကောင်းမလဲ ဝမ်းသာတာပေါ့ဗျာ .. ကိုယ့်ဖုန်းကိုယ်ပြန်ရတောာ့မှာကိုးဗျ။

ကျောင်းသားရေးရာကို ချက်ချင်းလိုက်သွားတယ်။

စားပွဲပေါ်တင်ထားတဲ့ ဖုန်းတွေထဲ ကိုယ့်ဖုန်းကိုရှာကြည့်တယ် မတွေ့ဘူး။

ဆရာက ကျုပ်ဖုန်းအမျိုးအစားရယ်၊ အရောင်ရယ်မေးတယ်။ ပြောပြလိုက်တော့ ခဏစောင့်ဆိုပြီး အံဆွဲထဲကနေ လက်ကိုင်ပဝါလေးနဲ့ သေသေချာချာ ထုပ်လာပေးတယ်။

အံမယ် … ကျုပ်ဖုန်းကို တခြားဖုန်းတွေနဲ့တောင် ရောမထားဘူး။ သီးသီးသန့်သန့်ထားပေးထားတာဗျ။

"ရော့ … သေသေချာချာကိုင် ကားကြိတ်ခံရတာ တစ်စစီ"

"ဟင်"

ရင်ထဲတောင် ဆို့သွားတယ်၊ ကျုပ်မှာတော့ လက်ကိုင်ပဝါနဲ့ထုပ်ပေးထားတာကို ကျေးဇူးတွေတင်လိုက်သေးတယ်။ လက်စသတ်တော့ တစ်စစီကိုး။

ကားနဲ့ကြိတ်လိုက်တဲ့ချာတိတ်လည်း ရှိနေရဲ့။

"ဘယ်လို … ဖြစ်""ကျွန်တော် မမှားဘူးနော် … ကျွန်တော် လုံးဝမမှားဘူး"

သြော် … ဘာမှတောင်မပြောရသေးဘူး။

"မဟုတ်သေးဘူးလေ … ငါ့ဖုန်းကို ဘယ်မှာတွေ့ပြီး တက်ကြိတ်မိတာလဲ ဆိုတာ … "

"ကျွန်တော်မမှားဘူး၊ ကျွန်တော့်အမှား လုံးဝမဟုတ်ဘူး"

"ဟိတ်ကောင် … မင်းကို ဘယ်လိုဖြစ်တာလဲဆိုတာ အကျိုးသင့်အကြောင်းသင့်မေးနေတာ .. မင်းမှားတယ်လို့ပြောသေးတာမဟုတ်ဘူး၊ ဖင်ပိတ်ငြင်းမနေနဲ့"

ဆရာကိုယ်တိုင် ဝင်ဟောက်တော့မှ ငတိက မျက်ပေတုံးကြီး ကလယ်ကလယ်နဲ့ ပြောပြတယ်။

"ဖြစ်တာက အာခီဆောင်အရှေ့မှာ ဖြစ်တာ"

"အင်း"

"ကျွန်တော်က ကားနဲ့ ကန်တင်းန်ကို အသွား"

"အင်း"

"ဖုန်းက ကားရှေ့ကနေ ဝုန်းဆိုဖြတ်ပြေးတာ"

"ဟယ်"

"အဲ့သည်မှာ တက်ကြိတ်မိတာ ..ဖုန်းမှားတာ၊ ကျွန်တော်မမှားဘူး။ ကျွန်တော် လုံးဝမမှားဘူး"

"သြော်"

ဘာမှလဲ ပြန်မပြောချင်တော့ …

သူပြောပုံအရဆိုရင် အခန့်မသင့်ရင် ကျုပ်ဖုန်းပါ ထောင်ကျမယ့်ကိန်း။

လက်ကိုင်ပဝါထုပ်ကလေးကို ကိုင်ပြီးပြန်ထွက်ခဲ့တယ်။ လက်ထဲမှာ တစ်စစီဖြစ်နေတဲ့ဝိညာဉ်မဲ့ဖုန်း ခါးကြားထဲမှာက ခုနစ်သောင်းတန် ကလုန်းဖုန်း။

ဒီလိုအဖြစ်မျိုး ထပ်မဖြစ်အောင် ကျုပ်ရဲ့ကလုန်းဖုန်းလေးကို လမ်းစည်းကမ်း၊ ယာဉ်စည်းကမ်းများ သင်ထားရပေအုံးမည်။