နားကြပ်များကို အသံခိုးနားထောင်သောကိရိယာအဖြစ် အစ္စရေး သုတေသီများ ပြောင်းလဲပြသခဲ့

အစ္စရေးနိုင်ငံရှိ ဘင်ဂူရီယန်တက္ကသိုလ်ရှိ သုတေသီများသည် သုံးစွဲသူ၏နားကြပ်ကို ထိုးဖောက်နိုင်သော code အပိုင်းအစကိုဖန်တီးခဲ့ပြီး အသံခိုးနားထောင်နိုင်အောင်ပြုလုပ်ခဲ့သည်။

“Speake(a)r)” ဟုခေါ်ဆိုသော code ကို နားကြပ်တွင်အသုံးချပါက လေထဲရှိတုန်ခါမှုများကိုဖမ်းယူနိုင်ပြီး အသံဖမ်းယူနိုင်ရန် လျှပ်စစ်သံလိုက်လှိုင်းများအဖြစ်ပြောင်းလဲနိုင်သည်။ “လူတွေက တစ်ကိုယ်ရေလုံခြုံရေးအားနည်းတယ်လို့ မထင်ကြပါဘူး။ ကွန်ပျူတာမိုက်ခရိုဖုန်းကို ဖယ်ရှားထားရင်လည်း နားကြပ်သုံးတဲ့အခါ အသံဖမ်းနိုင်ပါတယ်” ဟု ဘင်ဂူရီယန်တက္ကသိုလ်ရှိ ဆိုက်ဘာလုံခြုံရေးသုတေသနစမ်းသပ်ခန်းမှ သုတေသီ ခေါင်းဆောင် မော်ဒေချိုင်းဂူအာက ရှင်းလင်းပြောကြားခဲ့သည်။

သို့သော်လည်း ယခုစမ်းသပ်ချက်သည် အသစ်မဟုတ်ပေ။ YouTube ပေါ်တွင် နားကြပ်ကို မိုက်ခရိုဖုန်းအဖြစ် အသုံးပြုနိုင်ပုံကို လက်တွေ့ပြသထားသော ဗီဒီယိုပေါင်းများစွာရှိနေသည်။ ယခုတွေ့ရှိချက်၏အားသာချက်မှာ Windows သို့မဟုတ် MacOS အသုံးပြုထားသော laptop များတွင် မိုက်ခရိုဖုန်း channel မလိုဘဲ အသံဖမ်းနိုင်ခြင်းဖြစ်သည်။ RealTek ၏ audio codec chip ကို အသုံးပြုကာ အသံကိုနောက်ကွယ်မှ တိတ်တဆိတ်ဖမ်းယူနိုင်သည်။

-Ref: TheNextWeb